SIKAVIPE PALA SIKAVNE RROMANE ČHIBJAKO E ELEMENTONENCA NACIONALNE KULTURATAR
Zavod palo majbuhljaripe sikavimasko thaj vazdimasko thaj Maškaresko palo sikavipe e Rromengo thaj etnikane amalimatengo, ćerda o seminari pale sikavimatarja rromane čhibjako e elementonenca nacionalne kulturatar.
Ando alav katar Nacionalno konsilo rromane nacionalne minoritetonendar, ando andralunimasko kotor seminaresko, svato dija o džipašerutno prezidentosko, Aleksandar Balinović, savo vaćarda palo semnipe kale losarimaske šehosko thaj zurjavipe Nacionalne konsilestar
„Nacionlano konsilo rromane nacionalne minoritetostar sar institucija kasko fundosko udžilipe paša aver kotora vi o kotor sikavipe thaj arakhadipe rromane čhibjako, inćarel palo kamipe te o losarimasko šeho Rromani čhib e elementonenca nacionalne kulturatar avel čhutino ande sa fundoske sikavne thana ando buhljaripe Srbijako kaj si pale godova pherdine thaj therdine čhinavimata. Ando kamipe te ćerelpes e promocija rromane čhibjako, Nacionlano konsilo ande avutnimaski vrjama zurjavela sa bućarimata save si vortosarde pe lundžarde sikavimata sikamnendar save sikaven kava šeho ande fundoske sikavne thana, majlundžardo majbuhljaripe sikavimasko ande dine lila, sar vi vazdipe kapacitetosko saste procesostar palo andipe ando sićope.
Te dav tumen gođi, kaj o Nacionalno konislo bućarda po inkladipe lilengo pala 5 thaj šovto klaso palo šeho Rromani čhib e elementonenca nacionalne kulturatar khetanimaske bućarimava e ministerijumosa palo sićope, Zavodosa palo majbuhljaripe vazdimasko thaj sikavimasko thaj Zavodosa palo inladipe lilengo.“
Po agor naisarda organizatorenđe palo akharipe thaj akharda sa e manušen savi aviline te ando Nacionalno konsilo dićhen e partneri savo si kate te khetanisarel bućaripe sa jekh relevantne institucijengo thaj bivladaće ćidimatengo save bućaren pale inkluzija e Rromenđi, a aska te sikaveles udžilimašće ministerijunenđe, jal Thagarimašće Srbijaće thaj maškarthemutne ćidimatenđe.
Romski Jezik 
Српски језик