Ando than Žabalj inćardo si liparipe viktimonengo naciostikane mudarimasko kaj sas mudardine majbut katar 4000 Dasa, Jevrejurja thaj Rroma.
Ando alav Nacionalne konsilestar rromane nacionalne minoritetonendar, čhutipe kujbengo luluđengo thaj komemorativno liparipe sas vi e Dobrila Đin. Voj ando amalipe manušenca andar Kancelarija pala inkluzija e Rromenđi guvernatar Žabalj Bogdano Radul čhuta e luluđa po bar viktimonenđe.
Po čhutipe luluđengo sas baro đindo manušengo lokaloske thaj pokrajinaće institucijengo.
Daradimašći Hortijevski racija po than katar južna Bačka ando 1942. brš teljarda po 04. januaro ando gav Čurug, lundžardapes ando than Žabalj, Gospođinci, Šajkaš, Đurđevo, Mošorin, titel, Vilovo, Lok, Gardinovci, Novi Sad, Temerin, Srbobran thaj gatisardapes triđeseske mudarimasa 28. čhonesko ando Bečej.
Ungrikane okupacione katanije mudardine 4000 Dasa, Jevrejurja thaj Rroma, maškar save sas 165 čhavorra. Godova sas jekh katar majdaradimašće mudarimata opral civilno populacija kale thanestar talo baripe thaj varo talo savo nakhadapes. Bitrajošće trupurja bidošale viktimonenendar čhudine sas talo paho šudrrimatar ćićidino Dorjav thaj Tisa. Vi paše godova kaj katar godova ratvalipe nakhline efta dešbršutnimata, therelpes haćaripe kaj kana naj kozom trubul inkaldo anglal kham, thaj, pe inicijativa katar Epargija Bačka Dasikane Čačepaćivale khanđirake thaj thagarimastar AP Vojvodinatar, 2016. brš sas čhinado te, paša tradicionalne komemorativne ćidimata ande thana kaj e kala tragične ćerdimata ćerdinepe, organizacijava katar maškarutno lipardipe po trubulimasko varo lošanisarelpes dinipe gođako pe bidošale mudarde ande Racija. Ando kava brš kasave maladimasko sas o foro Bečej.
Romski Jezik 
Српски језик