INĆARDAPES MANIFESTACIJA – “MAŠKARTHEMUTNO ĐES ĐILABIMASKO – ĐES RROMANE ĐILABIMASKO”

Tale vizite save ćerdinepe ande đilabimašće sikavne thana pe teritorija AP Vojvodinaći, inćardapes e manifestacija “Maškarthemutno đes đilabimasko – đes rromane đilabimasko” po dujto drom, akana ando Novi Kneževac, tale organizacija katar “Rromano kulturako maškar Pančevo” andar Pančevo, a kasko kofundosarimatari si o Nacionalno konsilo rromane nacionalne minoritetostar savo si vi finansijeri jekh kotoreja andar Pokrajinako sekretarijato palo sićope, inkaldipe ramosarde ortuimasko, ortuipe thaj nacionalne minoriteturja , khetanimaske bućarimasa e Đilabimaske sikavne thanesa Novi Kneževac thaj talo tehnikano zurjavipe guvernatar Novi Kneževac.

Ando pherdo than o them inćarda šajipe te ašunel e čhavorren save đilaben averčhande đilabimašće instrumenturja, a kola maj lačhe sar dipe therdine đilabimasko instrument. Kana mothas maj lačhe, sa von si maj lačhe, a čhavorra save či therdine đilabimasko instrument Rromano kulturako maškar khetanimasa e Nacionalne konsilesa rromane nacionalne minoritetorestar ande avutnimašći vrjama zumavela te pala lende therel e instrumenturja. “O đilabiupe si ašunipe katar amare haćardimata.

Džungadol kova so si maj šukar thaj maj handukano ando manuš thaj inćarel zor te averčhandel o them. Te si vareso te averčhandelpes ando kava them, aska godova šaj te ćerelpes maškar đilabipe. Odolaći ašundape o đilabipe andar tumare ila thaj tumare ođa, mothoda e Maja Jovanović andar Deronje, inćarimatari programosko, lilarni thaj terdimatarka dinimasko pala trajimasko bućaripe.

Majanglal no si teljardapes e prastavimasa e publikaće svato dine:

Prezidento Rromane kulturaće maškarestar ando Pančevo, Stevan Jovanović, savo liparda kaj e Rroma trubun te majbuhljaren thaj te araćhen piri tradicija, a o đilabipe si jekh lako kotor, pašo čhib thaj kultura.

Sar mothoda pokrajinaći dilhljardi thaj membro nacionalne konsilestar rromane nacionalne minoritetostar Jelena Jovanović inkalda kaj kava drom e Novi Kneževac sas losardi sar guverna ande savi si 10 % rromane populacijatar sar sikavipe lačhe inkluzijako.

Ando alav katar lokalosko korkorroortuipe svato dija arlimatari šerutnerstar guvernatar Dejan Jančić thaj kamla savorrenđe lačheareslimasa.

Šerutni po đilabimasko than Aleksandra Neckov, sar ćherutni, inkalda kaj o đilabipe phandavel sa e manuša bi dićhipe pe nacija.

Aleksandar Balinović, arlimatari prezidentostar Nacionalne konsilestar rromane nacionalne minoritetorestar, inkalda kaj sam amene Rroma pindžarde sar o them savo kamlisarel o đilabipe, e đilabimasa sam jekhtune thaj kamas te bičhalas mothodipe kale terne talenturjenđe kaj si o Nacionalno konsilo sa jekh vrjam kate te ažutisarel, mohoda, lošanimasa putarda e manifestacija “Maškarthemutno đes đilabimasko – Đes rromane đilabimasko.”

E manifestacija đilabimasa teljarda nakhlobršesko angluno Dejan Jovanović andar Deronjem đilabada o Čardaš, savo therda but dinimata- Tale godova ando program prastimasko kotor line e čhavorra andar Sremska Mitrovica, Novi Kneževac, Sombor, Novi Bečej, Žabalj, Vršac thaj Kikinda.

Trito than lija e Aleksandra Mihajlović andar Novi Bečej, dujto than lija Ina Hopić andar Sremska Mitrovica, a angluno than lija Jovan Fan andar Žabalj savo manušikane gestova, dićhimasa pe godova kaj inćarel e violina, dija sar dipe piro instrument Natalijaće Turudić andar Sremska Mitrovica, a e cikni Natalija sikada e jasvina ođarimasa, a vi e publika ruja.

Treću mesto je osvojila Aleksandra Mihajlović iz Novog Bečeja, drugo mesto Ina Hopić iz Sremske Mitrovice, a prvo mesto je osvojio Jovan Fan iz Žablja koji je humanim gestom budući da poseduje violinu poklonio svoj instrument Nataliji Turudić iz Sremske Mitrovice gde je mala Natalija pokazala suze radosnice koje su preplavile i publiku.

Trito than lija e Aleksandra Mihajlović andar Novi Bečej, dujto than lija Ina Hopić andar Sremska Mitrovica, a angluno than lija Jovan Fan andar Žabalj savo manušikane gestova, dićhimasa pe godova kaj inćarel e violina, dija sar dipe piro instrument Natalijaće Turudić andar Sremska Mitrovica, a e cikni Natalija sikada e jasvina ođarimasa, a vi e publika ruja.

Talo gatisardo program e publika thaj čhavorra lundžardine amalipe ando šukar ambijento avlijako ando đilabimasko sikavno than.

Medijski prilozi ⤵️
https://www.ozon.rs/vesti/2022/za-prvo-mesto-osvojio-violinu-pa-je-poklonio
https://m-novine.com/medjunarodni-dan-muzike-dan-romske-muzike/
https://evrsac.rs/nastup-mladog-mite-nika-iz-izbista-u-novom-knezevcu/
https://mojgradsm.rs/medunarodni-dan-muzike-dan-romske-muzike/

RNS

See author's posts