MAJZURJAVAS SA TERNE RROMA THAJ RROMNJA KATAR 18 DŽIKE 24 BRŠA TE ALAVARENPES JŽPO KONKURSO!

Nacionalno konsilo rromane nacionalne minoritetosko dela sa tehnikano zurjavipe kandidatorenđe save čhinaven te alavarenpes po konkurso!

Ministerijumo andralune bućarimatarnengo ramosarda o konkurso pala ramosaripe 600 simannengo Maškaresko pala fundosko kutarjengo sikavipe (COPO-MpFSK) po savo e zainteresuime šaj te alavarenpes gatisardimasa po 08. julo 2019.

O Konkurso si ramosardo pala trubulimata katar kala kutarjenđe ortuimata: Bor, Valjevo, Zaječar, Zrenjanin, Jagodina, Kragujevac, Kraljevo, Kruševac, Niš, Novi Sad, Novi Pazar, Pančevo, Požarevac, Smederevo, Sombor, Sremska Mitrovica, Subotica, Užice, Čačak thaj Šabac, sar vi Kutarjengo than Trgovište.

Orto te alavarenpes po konkurso inćaren e forutne Raštraće Srbijaće, save inćaren alavardo bešavipe pe teritorija Srbijaći, majcîrra jekh brš biačhadimasa majanglal đes no so alavarenape po konkurso thaj alavardo bešimasko than pe teritorija katar organizaciono kotor pala savi alavarelpes o konkurso.

O kandidato musaj te inćarel agorisardo maškarutno sikavno than, ande štarebršengo lundžipe, jal gatisarde fundoske strukovne, jal fundoske akademske studije, Kriminalističko-kuratjengo univerzitetostar (KKU). Trubulipe si te najlen tale 18, a majbut katar džiko đes kana gatisarelpes o konkurso, jal te čii inćarel majbut katar 27 brša te si o alav pale kandidaturja save si gatisarde studenturja katar KKU.

O kandidato musaj te inćarel vi akanutno nacionalno tradimasko lil palo tradipe vordonengo „B“ kategorijako, aska te naj arakhadimašće ačhadimata ando mištardipe e Dine mothodimasa pale kutarja thaj te pherel e kriterijumurja save si phangle pala sastarimašće, psihološke thaj fizikane šajimata palo fundosaripe bućarimasko ando MAB po bućarimasko than ando statuso dine zurjavimasa bućarimasa udžile persone.

Alavardipe po konkurso e dokumentacijava, inćarelpes kutarjenđe thanešće po than bešutimasko kandidatoresko. O teksto thaj majpaše čhinadimata šaj te araćhen po sajtoo Ministerijumosko andralune bućarimasko www.mup.gov.rs thaj Maškar pala fundosko kutarjengo sikavipe www.copo.edu.rs