Krisope palo vandalosko akto ando Novi Sad – inkaldipe mothodimasko pale medije
Palo vandalosko akto mahrimasko bilbordosko savo si ando pašunipe katar Tehnološko fakulteto ando Novi Sad, savo si čhutino palo Đes dinimasko gođako pe rromane viktimurja holokaustosko, gajda kaj si čhindino, a po duvari si piltosardokeltsko trušul – simbolo savo hansaren e neonacisturja, o prezidento Nacionalne konsilesko rromane nacionalne minoritetonendar reaguisarda thaj majzurale krisisarda kaja majcîrra, ladžavimasko akto.
“Ando mungrro personalno alav thaj ando alav katar sa membrurja Nacionalne konsilestar rromane nacionalne minoritetonendar, akharav udžilimašće organurja te maj sigo araćhen kolen save kava ćerdine, sar vi te dži agor roden so si garadao tala kava ćerdipe bibahtalimasko. Haradimasa katar bilbordo savo sikavel maripe thaj mudardipe rromane populacijako pala tromalipe ađesutne Evropako naštik te averčhandelpes dumutnipe savo mothol amenđe kaj e Rroma sas mudarde khetane e dasikane thaj aver kamle tromalimasa thema thaj kaja lošanipe Holokaustosko khetanimašći misija thaj mothodipe te kasave bibahtalimata nisar thaj khatende či ćerenpes palem.
Novi Sad thaj sasti Srbija si duvari palo multietniciteto thaj multikulturaliteto ando kava kotor Evropako thaj ni jekh individua jal ogranizuime kupa či aresla te rumosarel lačhepašimaske relacije save inćaren e Rroma aver forutnenca. Khetanisaravma forošće šerutnešće Milošešće Vučević savo mothoda kaj kaja ladžavimasko akto naj pilta Novo Sadostar, sar vi aver institucijenđe thaj ćidimatenđe civiloske amalimastar save krisisardine haradipe bilbordosko“, mothoda o prezidento Dalibor Nakić.

RNS

See author's posts