AŽUTISARIPE PALA RROMA ANDO BEOGRADO

AŽUTISARIPE PALA RROMA ANDO BEOGRADO

Foro Beogrado khetane e Lole trušulesa gatisarda 200 paketurja pala forutne rromane nacionostar save bešen ande nefromalne thana thaj rromane familijenđe save therdine socijalne bešimašće thana. Kava si jekh kotor ažutimasko pala rromani populacija ando Beogrado, lak ande avutnimašće đesa avela uladipe paketurjengo andar donacija UNHCR thaj Lolo trušul.

Khetane e džipašerutne manušeja forošće šerutneja Goran Vesić thaj forošće sekretarosa pala socijalno lesamalipe Nataša Stanisavljević, e manuša Nacionalne konsilestar e Rromendar, Aleksandar Balinović – ažutimatari prezidentostar thaj Dejan Vlajković – generalno sekretari, sas po dićhipe paketurjengo ažutimasko thaj dine mothodimata pale medije.

Ađes si Maškarthemutno đes e Rromengo thaj vi paše godova kaj sam ande avrjalrîndošći situacija, ćeras sa te dasmen gođi thaj ćeras sa so šaj te ande kaja situacija majlačharas o standardo – mothoda o Vesić.

Vo sikada kaj pe Rroma či trubus te dasmen gođi samo po kava đes, Maškarthemutno đes e Rromengo, no ande sa 365 đesa ando brš thaj te gîndisaras pale godova sar te ažutisaraslen, kaj si von, sar mothoda, phare bućarimaske thaj paćavne Beogradošće thaj Srbijaće.

Von si kate sa jekh vrjama kana sas trubulipe te inćarenpe sa bilačhimata khetane e sa aver forutnenđe Srbijaće“ – mothoda o vesić thaj e Rromenđe bahtarda lengo đes pe dasikani thaj rromani čhib.

Forosko sekretaro pala socijalno lesamalipe Nataša Stanisavljević bahtarda e manušenđe rromane nacionostar lengo đes thaj inkalda kaj si o foro paša lende ađes, sar vi ande save nakhle brša.

„Vi akana, kana si avrjalr 8ndoski situacija thaj kana si phare, amen las sama pe lende“ – mothoda voj thajlundžarda kaj ande paketurja si fundošće trajošće habenata thaj šeja pala higijena.

Inkalda vi godova kaj teljarda o uladipe lesamalimaske maskengo, lesamlimasko pale naja thaj šeja pale dezinfekcija rromane thanenđe, thaj liparda kaj o Foro beogardo khetanimaske bućarimava e foroske guvernenca ćerela dezinfekcija katar varesavo đindo rromane thanengo.

Džipašerutno prezidentosko Nacionalne konsilesko rromane nacionalne minoritetonendar Aleksandar Balinović mothoda kaj e Rroma šelbršutnimatenca nakhline phari vrjama droomardimasa andar raštra džike raštra thaj inkljistine majzurale.

„Ađesutne gestova, o foro Beogrado sikada solidariteto pale Rroma te ažućarel lenđe kana si majpahre“ – mothoda o Balinović thaj naisarda manušenđe andar forosko thagaripe, Lole trušuleske thaj savorenđe save len kotor ando uladipe paketurjengo e Rromenđe thaj sa jekh zurjavipe rromane populacijaće.

Nacionalno konsilo rromane nacionalne minoritetonendar naisarel šerutnenđe forostar Beogradostar pala saučharimasko ažutisaripe rromane populacijaće savi del 365 đesa ando brš, a majbare naisarimata ando proceso inkluzijako e Rromengo ando Beogrado inćarel pašo forosko šerutno Zoran Radojičić thaj lelsko džipašerutno Goran Vesić, e forosko sekretaro palo socijalno lesamalipe Nataša Stanisavljević.

Author: RNS

Leave a Reply

Your email address will not be published. Required fields are marked *