KHETANIMASKO BUĆARIPE PALO ČAČIMASKO THAJ KVALITETNO SIKAVIPE
Prezidento Nacionalne konsilestar rromane nacionalne minoritetostar, o raj Dalibor Nakić, dija svato manušenđe save aviline pe gatisarimašći konferencija projektošći “Partnerstvo za pravedno i kvalitetno obrazovanje” (Khetanimasko bućaripe pala čačimasko thaj kvalitetno sikavipe), savo nakhada o CIP – Centro pala interaktivan pedagogija khetanimaske bućarimava e Ministerijimosa pale sikavipe.
Prezidento Nakić ando andralunimasko kotor pire vaćarimasko bahtarda sa e manušen save aviline thaj liparda kaj si bare semimatar zurjavipe inkluzivne sikavimasko thaj ciknjaripe segregacijako ande sikavne thana. Inkalda kaj o Nacinalno konsilo, sar majsemno kobućarno resoraće ministerijumostar bućarela palo arakhadipe maj lačhe čhinadimatengo sar gatisarelape e segregacija, a e afirmativne mere thaj aver kotora zurjavimašće majlačharenape thaj majbuhljarenape.
Projekto „Khetanimasko bućaripe pala čačimasko thaj kvalitetno sikavipe”, bućarda ande majpalune trin brša palo ačhavipe segregacijako thaj palo orto sa e čhavorrengo po čačimasko thaj kvalitetno sikavipe ande sikavne thana ande forurja Šabac, Prokuplje thaj Požarevac.
smart
Romski Jezik 
Српски језик