ULADIPE HUMANITARNE PAKETURJENGO SOCIJALNO-DUKHLJARDE RROMANE FAMILIJENĐE

Pe inicijativa katar Nacionalno konsilo rromane nacionalne minoritetonengo, Ministerijumo pale bućaripe, therdipe bućarimasko, marimašće thaj sojalne pučhimata therda 50500 humanitarne paketurja save avena uladine ande sa forurja thaj guverne prdal Lolo trušul vi paša tehnikano zurjavipe membrurjendar Konsilestar thaj lokaloske mehanizmurjengo pale inkluzija e Rromenđi.

Sar simbolika, po Đurđevdan, teljardapes e uladimava ande FG Čukarica. Po uladipe paketurjengo sas o ministro Zoran Đorđević thaj raštrako sekretari Nenad Nerić, generalno sekretari Lole trušulestar Ljubomir Miladinović, šerutni pe Gatisarimasko odbori Nacionalne konsilestar e Rromendar Pava Čabrilovski thaj membro Konsilestar Sonja Mitrović-Lukić, savi si vi dikhljardi ando PG Čukarica.

Mothodimata pale medije dine o ministro Đorđević, šerutni po GO Pava Čabrilovski thaj generalno sekretari LT Ljubomir Miladinović:

„Kale gestova sikadam kaj vi ande kaja phari vrjama trubulipe si te aves manušikano thaj udžilimasko thaj te gîndilpes pe sa forutne jekhetane. E membrurja rromane nacionalne minoritetonendar si kotor amare amalimasko thaj musaj te inćaren jekhetane orturja thaj šajimata, pala soste vi aktivno bućaras“, mothoda o Đorđević thaj lundžarda kaj paćal kaj e Srbija sigo inkljela andar kaja phari situacija sar trijumfimatari, sar vi kaj o Ministerijumo, maškar averčhande projekturja, lundžarela khetanimasko bućaripe savo teljardapes e Lole trušulestar sar vi Nacionalne konsilestar rromane nacionalne minoritetostar thaj godolestar ažutisarela butimašće forutnenđe amare raštratar.

Šerutni po Gatisarimasko odboro Nacionalne konsilestar romane nacionalne minoritetostar Pava Čabrilovski mothoda kaj si khetanimasko bućaraipe Ministerijumostar palo bućaripe, therdipe bućarimasko, marimašće thaj socijalne pučhimatengo, Lole Trušulestar thaj Nacionalne minoritetostar rromane nacionalne minoritetostar dija dićhimaske reultaturja, a kaj si maj semno rezultato khetanimašće bućarimasko fundosaripe jekhutnimašće evidencijako maj dukhalde rromane familijengo, savo dži akana či sas, a ando avutnipe šaj te hasnarelpes vi pale sa aver bućarimata save si vortosarde po majlačharipe thanengo e Rromengo.

Generalno sekretari Lole trušulestar Srbijako Ljubomir Miladinović inkalda kaj kale projektova avela učhardo baro đindo membrurjengo rromane populacijako thaj kaj si jekh rîndosko savo Lolo trušul inćarel ando plano te nakhavel ando khetanipe e udžile ministerijumosa thaj Nacionalne konsilestar e Rromendar.

RNS

See author's posts