ULADIPE PROMO FLAJERENGO PE RROMANI ČHIB PALO SEMNIPE VAKCINACIJAKO

ULADIPE PROMO FLAJERENGO PE RROMANI ČHIB PALO SEMNIPE VAKCINACIJAKO

Nacionalno konislo rromane nacionalne minoritetonengo thaj Ministerijumo pale manušikane thaj minoritane orturja thaj amalimasko dijalogo, ćerdine promotivne flajerja pe rromani čhib palo semnipe vakcinacijako ando maripe opral pandemija ćerdini KOVID 19 virusostar.

Uladipe promo flajerengo ande rromane thana, ande majbut katar 50 forurja thaj guverne ando buhljaripe Srbijako, ćerdine e membrurja Nacionalne konsilestar thaj lokalne mehanizmurja palo nakhadipe inkluzijako e Rromengo (sastarimašće medijatorja, koordinatorja pale rromane pučimata thaj pedagoške asistenturja).

Kasave akcijava o Nacionalno konislo lundžarel o maripe opral pandemija thaj akhrel sa e forutne ando sa maj baro đindo te len e vakcina thaj te araćhen piro thaj sastipe pire majpašunengo.

Author: RNS

Leave a Reply

Your email address will not be published. Required fields are marked *