Uladipe sikavimašće šejengo thaj zurjavipe ando sikavipe – guverna Senta
O ćidipe e Rromengo andar than Senta talo zurjavipe guvernako Senta, pokrajinaće sekretarijatostar palo sikavipe, inkaldipe ramosarimasko dine mothodimastar, ortuipe thaj nacionalne minoriteturja – nacionalne amalimata thaj Nacionalno konsilo e Rromengo ćerda uladipe sikavimašće šejengo pala 127 čhavorra rromane nacionostar, save džan po sićope ande fundoske thaj maškarutne sikavne thana ande Senta.
E Monika Fodor, prezidento ćidimasko e Rromengo ande Senta thaj membro Nacionalne konsilesko rromane nacionalne nacionalne minoritetostar, putarda o maladipe thaj naisarda savorrenđe palo zurjavipe, a detot inkalda baro zurjavipe katar direktoro Centrosko pala socijalno bućaripe Ljubica Nikolić Verikios thaj laće bućarnengo.
Ando andralunimasko kotor mothodimasko svato dija vi o prezidento Nacionalno konsilestar rromane nacionalne minoritetostar Dalibor Nakić. Nakić kamla čhavorrenđe aresimasko teljaripe ande sikavne thana, a bijandimatarnenđe lačho sastipe talo akharipe te hasnaren raštraće subvencije andar kotor bućarimasko opral NĆB thaj maškarthemutne fondacije, sar pire bućarimasa aresena te pire čhavorrenđe den šajipe palo bigrižako čhavrrikanipe thaj te loćarenlenđe sićope.
Ljubica Nikolić Verikios sa e manušenđe save aviline naisarda kaj akhardinepes thaj inkalda kaj si o Centro palo socijalno bućaripe ande Senta sa jekh vrjama talo loćaripe pire forutnenđe.
O maladipe bahtarda vi e Jelena Jovanović, pokrajinaći dikhljardi thaj mebro Nacionalne konsilesko rromane nacionalne minoritetonendar, inkaldimasa kaj si o sićope ćija pale sa thaj kaj si lako kamipe te institucijaće ando savo sam akana, rromano amalipe či avel majbaro hasnarimatari no te e Rroma bućaren, theren bućaripe, a pale godova akana si šajimata sar o rromnao amalipe avela porezosko poćinimatari, a niči socijalno therdimatari. Po agor sa e sikamnenđe kamla aresimasko teljaripe ande sikavne thana.
Po uladipe sikavimašće šejengo sas vi e membrurja Konsilešće, Pava Novakov Čabrilovski, šerutni po Gatisarimasko odbori, Klaudija Kurina membro Gatisarimašće odboresko, Miloš Roštaš, džipašerutno Konsilesko, sar vi Ljiljana Mihajlović, direktori Kancelarijako pale inkluzija e Rromenđi thaj membro Konsilesko
Romski Jezik 
Српски језик