Prezidento nacionalne konsilesko rromane nacionalne minoritetonendar sas po uladipe sikavimašće šejengo pala čhavorra rromane nacionoske anglalsikavimasko thaj fundoske sikavimašće bršendar.

E ćherutnimatarja sas leske o prezidento guvernako Nikola Vučen, koordinatoro pala inkluzija e Rromenđi Goran Grbić, Zdravka Simi membro odboresko pala sikavipe ando Konsilo thaj guvernako konsilarno thaj Milivoje Didanović – šerutno odboresko pale kultura. Sasto kompleto sikavimaske šejengo therdino si fundurjenca andar Lokalosko akciono plano guvernatar Smederevska Palanka. Kava bućaripe si nakhadi kamimasa te del rromane čhavorrenđe zurjavipe dural fundosko sikavipe thaj gatisarimasko – anglalsikavimaske bršengo.

Ulade sas 220 kompleturja sikavimašće šejendar thaj pale godova, bijandimatarnenđe thaj čhavorrenđe, svato dine e prezidenturja Vučen thaj Nakić. E čhavorrenđe kamlline bahtalo thaj aresimasko nevo sikavimasko brš, a bijandimatarnenđe dine pherdo zurjavipe ando sikavipe thaj vazdipe čhavorrengo, inkalimasa kaj si o sikavipe angluno thaj semno paso pala sasti integracija rromane populacijako.

RNS

See author's posts