„ZURJAVIPE INĆARDE AŽUTIMATENGO SOCIJALNE ARAKHADIMASKO ANDO AMALIPE THAJ POLITIKENĐE PALE INKLUZIJA PO LOKALOSKO NIVELO“
Nacionalno konsilo rromane nacionalne minoritetostar po čikat e prezidentova Daliboreja Nakićeja, ando đes žoj inćarda bešimasko maladipe e manušenca katar Sevrjamaći konferencija forurjendar thaj guvernerendar (SKGO), ando kamipe te sikavelpes o projekto “Zurjavipe inćarde ažutimatengo socijalne arakhadimasko ando amalipe thaj politikenđe pale inkluzija po lokalosko nivelo, savo SKGO nakhavel khetqanimašće bućarimava e Ministerijumosa palo bućaripe, therdipe bućarimasko, marimaske thaj socijalne pučhimata.
Željko Tarbuk, generalno sekretari SKGO sikada e kotora katar trinbršesko projekto savo finansijenca učharel Evropaći unija ando kotor katar nacionalno Programo IPA 2020, khetanimašće molimasa 6,5 milionurja evra. Kontraktosko trupo si o Ministerijumo finansijako – Sektor pala svato kontrakturjengo thaj finansiripe programonengo andar fundurja Evropaće Unijako.
Nakhadimava kale projektova avena therdine čhinavimata palo majbuhljaripe kvalitetosko thaj učharipe ažutimasko socijalne arakhadimasko thaj zurjavipe inkluzijako darade thaj marginalizuime kupengo, uladimasa rromane populacijako po lokalosko nivelo, so anela majlačharipe politikengo socijalne inkluzijako sar zurjavelape jećhimaske šajimata thaj aktivno linipe kotoresko vi manušnejngo vi muršikanengo.
Nacionalno konsilo rromane nacionalne minoritetorestar si pindžardo sar semno partneri ande sa nakhavimaske kotora kale projektostar.
Romski Jezik 
Српски језик