POSETA OSNOVNOJ ŠKOLI ZA OBRAZOVANJE ODRASLIH
„ĐURO SALAJ“ U BEOGRADU

Šerutnipe katar Nacionalno konsilo rromane nacionalne minoritendar, po kasko čikat sas o prezidento Dalibor Nakić, avilo ande vizita talo akharipe katar šerutni Ljijljana Petrović thaj andragoško asistento Komina Sejde, ando fundosko sikavno than palo sikavipe manušengo pherde bršengo „Đuro Salaj.“

Ando svato savo inćardapes e šerutnjasa thaj andragoške asistentosa therdam informacija kaj paša 90 % sikamnendar si e manuša rromane nacionalne minoritetostar thaj kaj baro đindo e Rromengo katar teritorija Beogradošći džan po sićope ando kava sikavno than, a talo gatisaripe losaren palo sićope džanglimaske sikavimasko thaj majloće theren bućaripe.
Dural e vizita ando sićope, uladam thaj dijam kotor šejengo palo sićope thaj zurjardam lengo sićope, bućaripe palo sićope thaj therdipe džanglimatengo sar majloće therenas bućaripe.

Ando mothodipe pale medije, o prezidento Nakić inkalda kaj o Nacionalno konsilo baro lesamalipe thaj semnipe del palo fundosko sikavipe manušengo pherde bršengo dićhimasa pe godova kaj maškar e Rroma thaj Rromnja save therdine pherdobršutnipe si baro đindo lendar save si bidžangle jal najlen fundosko sićope. Maškar o programo katar Funkcionalno fundosko sićope manušengo pherde bršengo delpes lenđe šajipe te sikavenpes, te theren e diploma palo gatisardo fundosko sićope sar vi o sertifikato pale džanglimata save ramosarenpes ando bućarimasko lil, thaj inćarel zor pale bućarimata. Pe godova varo theren „Dujto šajipe“ te sikavenpes thaj te buhljaren džanglipe palo sasto trajo thaj personalne, amalimašće thaj profesionalne džanglimata.

„But si semno te silen agorisardo fundosko sikavimasko than kaj pe godova varo inćarena šajpe te alavarenpe vi pale varesave katar programurja save si phangle pala ekonomikano zurjavipe e Rromengo sar vi pale fundurja save o Nacionalno bućarimasko than palo bućaripe del ando kotor katar aktivno politika palo therdipe bućarimasko. Ande ađesutni vrjama sikavipe manušesko či gatisarelpes vi kana therel e diploma katar univerziteto. Trajisaras ande vrjama savi rodel sajekhđeseko thaj trajosko sikavipe thaj korkorrosikavipe. Odolaći vi mothodipe mothol: „O manuš sikavelpes džikaj si džudo.“ Sa jekh vrjama si lačhi palo manuš te sikavelpes, e brša naj nisavo ačhadipe palo sićope. Naj majbaro thaj naisarimasko dinipe katar dinipe ando sićope. Odolaći hasnarav kava šajipe te akharav sa kolen save si majbut katar 15 (dešupandž) brša, a najlen therdino fundosko sićope te alavarenpes thaj te ramosarenpes ande jekh katar sikavne thana palo fundosko sićope manušengo pherde bršengo“, inkalda o Nakić.

Ande delegacija katar Nacionalno konsilo, pašo prezidento Nakić, sas vi e šerutni po Gatisarimasko odboro Pava Čabrilovski thaj generalno sekretari Dejan Vlajković.

RNS

See author's posts