PAĆIVALIPE AVERČHANDIMASKO SAR BAR FUNDOSKO PALE INTEGRACIJA E RROMENĐI MAŠKAR THERDIPE BUĆARIMASKO – SIKADIPE SLOVENIJAKO THAJ SRBIJAKO

Prezidento Nacionalne konsilestar rromane nacionalne minoritetostar, Dalibor Nakić, lija kotor thaj dija svato pe konferencija savi ćerdine o Instituto pale etnikane thaj regionalne studije andar foro Maribor thaj Instituto amalimašće džanglimatendar andar foro Beogrado po araćhimašći konferencija “Paćivalipe averčhandimasko sar bar fundosko pale integracija e Rromenđi maškar therdipe bućarimasko – sikadipe Slovenijako thaj Srbijako” savi si inkljistipe bućarimasko po ZAPROM projekto savo nakhavelpes talo zurjavipe Evropaće unijatar.

Fundosko kamipe projektosko si te anel haradipe ačhadimasko thaj te majbarvarel šajimata palo therdipe bućarimasko pale Rroma, tale sikadimata katar Slovenija, savo si membro Evropaće unijatar thaj Srbijatar, raštra savi gatisarelpes te avel lako kotor.

Pe konferencija dijape svato palo majlačharipe nacionalne thaj lokalošće instrumentonengo thaj programonengo save si ulade palo therdipe bućarimasko, sićope, sastipe thaj bućarimasko varo lokalošće amalimstar, e inkaldimasa save si phangle pale rromane trubulimata, uladimasa pe lenđe šajimata palo therdipe bućarimasko.

Majdur, maškar svato dikhlinepe e strategije thaj mothodimata save ćerdinpe sar rezultato projektosko save avena sikadine džanglimatenđe thaj buhle ašunimatenđe ande Srbija thaj Slovenija.

RNS

See author's posts