RAMOSARDAPE O MIŠTARIMASKO LIL PALA KHETANIMASKO BUĆARIPE MAŠKAR FORO KRAGUJEVAC THAJ NACIONALNO KONSILO

RAMOSARDAPE O MIŠTARIMASKO LIL PALA KHETANIMASKO BUĆARIPE MAŠKAR FORO KRAGUJEVAC THAJ NACIONALNO KONSILO

Ando foro Kragujevac ramosardapes o Mištarimasko lil palo khetanimasko bućaripe maškar Foro Kragujevac thaj Nacionalno konsilo rromane nacionalne minoritetonendar.

O prezidento Nacionalne konsilestar, Dalibor Nakić, inćarda o paćivalipe thaj bahtalipe te ramosarel o Mištardimasko e membrosa Foroće konsilestar, Dr Gordanava Damnjanović, savi talo ortuimasko zurjavipe katar forosko angluo Nikola Dašić, ramosarda o Mištarimask olil ando alav Forosko, saveja si vi ašunimasa alavardi aresimasko khetanimasko bućaripe maškar Foro thaj Nacionalno konsilo ande maj palune trin brša.

Anglal ašunimasko ramosaripe dokumentonengo inćardape o bešimasko bućarimasko maladipe e direktorasa pala Maškar palo socijalno bućaripe „Solidarnost“, Jelenava Mitrović, savo si šerutni pe Kupa pala bijandimasko jekhetanipe, manušikane thaj minoritane orturja, Ivaneja Obradović, koordinatoreja pala rromane pučhimata Zoranova Pavlović thaj prezidentosa po Rromano kulturako sikavimasko maškar Gagi Vasić. Po bućarimasko bešipe maladimasko e ramosarimatarja kale Mištarimaske lilesar dine svato pale šajimata palo majbuhljaripe khetanimaske bućariasko maškar konsilo thaj lokalosko korkorroortuipe e forostar Kragujevac sar vi palo than e Rromengo ando Kragujevac thaj šajimata palo buhljaripe. Sas dikhlini vi e dinamika palo nakhavipe nacionalne Strategijako pala socijalna inkluzija e Rromenđi thaj Rromnjenđi ando foro Kragujevac.

Sar kotor pire vizitako, o prezidento Nacionalne konsilestar Dalibor Nakić, sas ando maj purano rromano than „Licika“ khetane e manušenca andar guverna e Koordinatoreja Pavlović thaj prezidentova Rromane kulturaće maškaresa, e rajesa Vasić, dija svato e forutnenca thaj bare lesamalimava ašunda pale pharimata savenca malavenpes ando sajekhđesutno trajo.

Tale vizita thanešći, o prezidento Nakić inćarda o bućarimasko maladimasko bešipe e direktoreja F.S.T „Mirko Jovanović“, e rajesa Nenadeja Milovanović
Po maladipe dijapes svato pala sa semne pučhimata andar kotor sikavimasko, a mištardo si, odolaći kaj sas baro intereso, anelpes losarimasko šeho Rromani čhib e elementonenca nacionalne kulturatar.

Izjave za medije:⤵️
https://youtu.be/iEzLg3eu7kM

Author: RNS

Leave a Reply

Your email address will not be published. Required fields are marked *