Prezidento Gatisarimašće odborestar ande bućarimašći vizita guvernaće Alibunar

Prezidento Gatisarimašće odborestar ande bućarimašći vizita guvernaće Alibunar

Sar kotor planosko thaj programosko vizitengo guvernengo thaj forurjengo, e šerutni Gatisarimašće odborestar Nacionalne konsilestar rromane nacionalne minoritetonendar, Pava Čabrilovski, sas ande vizita ande guverna Alibunar.

Čabrilovski khetane e pokrajinaće dikhljardava thaj membrosa Konsilestar Jelenava Jovanović thaj direktoreja pokrajinćae kancelarijatar pale inkluzija e Rromenđi thaj prezidentova odborestar palo sikavipe ando Konsilo, Ljliljava Mihajlović, sas nekozom semne bućarimašće maladimata ande guvernaće, ašunimašće thaj sikavimašće institucije.

Inćardo si bućarimasko maladipe e prezidentova guvernatar Alibunar, Zoranava Bratić, sar vi direktoreja katar JKP „Univerzal“, Dušanova Dakić. E rajesa Dakić, sas te dićhen sar naćhen e bućarimata palo vazdipe paješeć kujbako ando rromano than Seleuš thaj dine svato e forutnenca andokava than.
Tale bućarimašće maladimata thaj vizite thenestar, sas ande vizita ko F.S.T. „Prvi maj“ ande Vladimirci, kaj pe inicijativa katar direktori, Petar Glande, katar kava sikavimasko brš putardape bućarimasko than pale pedagogikane asistenturja.

Ande pire vaćardimata, inkaldine semnipe sikavimasko sar angluno, sar vi sa učharimašći inkluzija e Rromenđi ando proceso zurjavimasko rromane populacijako.

„Amen sam gođarde kaj si o sikavipe šajipe palo majlačho trajo thaj anglunipe rromane amalimasko, amaro khetanimasko kamipe si te ćeras sa maj lačho ambijento thaj te das zurjavipe sa jekh čhavorrešće ando mištardipe e lešće sikavimašće trubulimatenca“ - inkalda e Mihajlović.

Kova so teljardam, sar jekh kata but pučhimata, e direktoreja sikavimašće thanestar, dićhimasa pe godova kaj si kava sikavno than dujčhibjalo, ando aver brš, kana ćerelape e anketa, te zumavas te vi ando kava sikavimasko than sićolpes rromani čhib e elementonenca nacionalne kulturatar e Rromendar, sar losarimasko šeho. Avava čaljardi, te fundosarelpes vi jekh klaso – inkalda je Jelena Jovanović.

Kamav te detot naisarav sikavne thanešće thaj direktorešće petrošće, savo pindžarda o trubulipe palo andipe pedagogikane asistenturjengo, dićhimasa pe godova kaj rromano nacionalno amalipe si čhutino ande kategorija katar maj bisikado amalipe, no kale aktova sikadini si voja katar sikavimasko than thaj lokalosko korkorrorotuipe te ando vazdimasko – sikavimasko bućaripe kotor lel vi o pedagoško asistento. Kova so si, semno, si kaj sikavimasa šaj thaj musaj te marasmen opral stereotipurja thaj predrasude – uladimasa inkalda e Pava Novakov Čabrilovski.

Author: RNS

Leave a Reply

Your email address will not be published. Required fields are marked *