PREZIDENTO NAKIĆ SAR KOTOR DELEGACIJAKO REPUBLIKATAR SRBIJATAR ANDE ATINA – PANEL ULADO PALE INTEGRACIJA ČHAVORRENDAR RROMANE NACIONOSTAR
Sar kotor UNIOCEF-sko programostar pale integracija čhavorrendar rromane nacionostar maškar averčhande ložarimaske sistemurja thaj vazdipe katar efikasno kujbo palo zurjavipe ando lengo sićope, inćardinepes e svaturja pale orturja čhavorrendar rromane nacionostar thaj socijalne inkluzijako ando region katar Jugoistočna Evropa.
Ćherutno maladimasko sas o Thagaripe Republikatar Grecijatar, a sar kotor delegacijako andar Republika Srbija sas o prezidento Nacionalne konsilestar rromane nacionalne minoritetorestar, Dalibor Nakić.
O maladipe ćida e manušen andar Thagarimata, e manuša andar rromano amalipe thaj UNICEF andar region JIE save inćardine šajipe palo arlipe džanglimatengo thaj te khetane bućaren pale lačhe prakse integracijatar čhavorrendar rromane nacionostar maškar averčhando sistemo loćarimasko thaj ažutisarimasko thaj po drom zurale bućarimasko palo arakhadipe efikasne kujbako zurjavimasko pala čhavorra rromane nacionostar ando regiono katar Jugositočna Evropa.
Prezidento Nakić dija svato po Panelo ulado pala therdipe bućarimasko e Rromengo. Ando piro mothodipe inkalda e sikadimata lačhe praksako thaj semnipe therdimasko bućarimasko terde vučesikade Rromendar. Sikada vi po bućaripe thaj semnipe save inćaren lokaloske mehanizmurja palo zurjavipe Rromenđe save inćaren palo kamipe therdipe bućarimasko rromane populacijako sar ande raštraće gajda vi ande ašunimašće institucije, gajda vi ando privatno sektoro.
E manuša anglal delegacija Srbijaći dine svato vi palo semnipe godolesko te e rromano ĆCA (ćidimata katar civilosko amalipe, BGĆ) thaj džiakanutne aresimata.
Ulado dićhipe thaj intereso, e manuša sikadine pala čačardi Deklaracija pale haradipe čhavrrikane unsurjengo, katar rig Nacionalne konsilestar.
Pašo prezidento Nakić, ande delegacija andar Srbija sas e Deyana Kostadinova – šerutni kancelarijatar UNICEF-ostar ande Srbija, Ivana Janjuz – Nacionalno kotor palo therdipe bućarimasko thaj Radmila Nešić – ĆCA Ternipe andar foro Pirot.
Romski Jezik 
Српски језик