PREZIDENTO NAKIĆ PO LOŠANIPE PALO NEVO THAN BUĆARIMASKO PREZIDENTOSTAR SRBIJATAR

PREZIDENTO NAKIĆ PO LOŠANIPE PALO NEVO THAN BUĆARIMASKO PREZIDENTOSTAR SRBIJATAR

Prezidento Nacionalne konsilestar rromane nacionalne minoritetostar, Dalibor Nakić, sas po lošanipe ceremonijako po dinipe dipengo vidovdanosko ande Palata “Srbija”, savi ćerdapes palo avipe po nevo bućarimasko than prezidentostar Srbijatar ando dujto mandato, Aleksandar Vučić.

Prezidento Aleksandar Vučić dija vidovdanoske dinimata individualenđe thaj institucijenđe, a tale godova ćerdino si vi lošanimasko abjavipe

Lošanipe ande Palata “Srbija” teljarda e himnava “Bože pravde”, savi nakhada e solistkinja andar opera katar Dasikano themesko teatro, Nataša Tasić Knežević.

Ando ođarimasko svato e prezidentova Vučićeja, o prezidento Nakić naisarda lešće personalno palo lesko baro bućaripe thaj zor te e rromani populacija ando butipe lel kotor ande amalimašće thaj politikane kotora. Uladimasa si semno, kaj o prezidento Aleksandar Vučić, ando pire mothodimata butimasa liparel e Rromen ande sintagrma “amare rromane phrala.”

Majdur, o prezidento Nakić hasnarda o šajipe te del svato e prezidentosa Thagarimastar, Anava Brnabić thaj generalne sekretareja katar prezidijumo Srbijako, Suzanava Paunović, kaj ande svaturja alavarda semnipe zurjavimasko Thagarimastar Srbijatar thaj Prezidijumostar, Nacionalne konsilešće thaj rromane populacijaće ando proceso integracijako.

Author: RNS

Leave a Reply

Your email address will not be published. Required fields are marked *