MANUŠA ANDAR NACIONALNO KONSILO ANDE VIZITA GUVERNAĆE BELA PALANKA

Manuša andar Nacionalno konsilo rromane nacionalne minoritetorestar, sar kotor planosko pale vizite forurjengo thaj guvernengo ande save trajin majbaro đindo forutnengo rromane amalimasko, sas ande vizita rromane thanešće ando foro Bela Palanka. E forutne ando svato e manušenca andar Konsilo sikadine pe maj bare pharimata savena malavenpe, sar Nacionalno konsilo godola trubulimata vaćarelas ke kola save aven e čhinadimata. Ando than Bela Palanka e forutne rromane thanendar maj baro pharipe dićhen ando bibućaripe thaj majbuhljaripe bešimaske čhinavimatengo.
Tale godova ćerdapes vi o maladipe delegacijako Nacionalne konsilestar ke manuša andar guverna Bela Palanka, save uladine amenđe informacije pale bućarimata save nakhavenpes ando kamipe palo majbuhljaripe Rromengo save trajin ande lenđi guverna. Ažutimatari prezidentosko guvernako akcento čhutan po kotor sikavimasko ando savo maj but bućarimasko ćerdape, sar vi palo majbuhljaripe čhinavimatengo bešimasko ande rromane thana, maškar uladipe paketurjengo vazdimašeć materijalurjengo palo lačhardipe ćherengo, thaj vazdipe socijalni bešimašće thanengo.
Prezidento Nacionalne konsilestar, Dalibor Nakić sikada po lačho khetanimasko bućaripe e manušenca andar ćidimata civiloske amalimatar andar Bela Palanka ande nakhli vrjama, sar vi po gatisaripe Konsilesko te čačarel partneripe e guvernava Bela Palanka, thaj te ando mištaripe pire udžilimatenca zurjavel sa inicijative save inkljen, a ando kamipe inkluzijako rromane amalimasko savo ande kaja guverna ćerel baro procento katar sa jekh khetanimasko đindo forutnengo.

RNS

See author's posts