NAKHLIPE ANTICIGANIZMOSKO ANDE EVROPA – MAŠKARTHEMUTNO ĐES E RROMENGO

Pe konferencija talo alav „nakhlipe anticiganizmosko ande Evropa“ savi ćerda o Konsilo Evropako, anglal thaj talo alav katar Nacionalno konsilo rromane nacionalne minoritetostar kotor lije e šerutni po Gatisarimasko odbori, e raji Pava Čabrilovski.

E raji Čabrilovski ando andralunimasko kotor bahtarda sa kolen save aviline, naisarda e ćerdimataranenđe konferencijako po akharipe thaj inkalda kaj e anglune ramosarimata pale Rroma pe kala thana crden bučumo andar 14. šelbršutnipe, thaj, averčhande katar aver nacionalne minoriteturja ande Srbija, e Rromen naj ćherutni raštra – Srbija si amari bijandimašći raštra.

Ando lundžaripe pire mothodimasko, liparda kaj e mudarimata rromane, dasikane thaj jevrejengo themostar ando bare mudarimata ando Dujto themesko maripe thaj fakto Holokaustosko opral e Rroma ande Evropa, si biualdimasko kotor khetnimašće dumutnimasko pe kala thana.
„Prošli smo trnovit put, ali je jako značajno da na tom putu i u toj borbi mi Romi u Srbiji nismo sami. Imamo podršku naše države i Evropske unije, i na tome smo neizmerno zahvalni.
„Nakhlam pharo drom, no but si semno kaj pe godova drom thaj ando godova maripe amen e Rroma ande Srbija naj sem korkorre. Inćaras zurjavipe amare raštratar thaj Evropaće unijatar, thaj pala godova sikavas baro naisaripe.

Anglunipe si lundžardo thaj dićhelpes ande sa kotora amalimašće trajostar, teljarimasa katar sićope – kaj brš bršenca simen barjardipe đindosko učharde čhavorrengo, pe sa nivelurja sikavimašće – sa džiko bešipe, sastarimako thaj socijalno lesamalipe. No, inke simen but te ćeras“, liparda e raji Čabrilovski thaj sa e Rromenđe ando them bahtarda Ohtoto aprili Maškarthemunto đes e Rromengo Romalen thaj Romljalen, bahtalo o ohtoto aprilo, lumnjako ges e Romengo. But bah, sastimos thaj jašimost. Pe konferencija kotor line vi o ministro pale manušikane thaj minoritane orturja thaj amalimasko dijalogo e raji Gordana Čomić, šerutno Evropaće Konsilesko ande Srbija, o raj Tobias Flesenkemper, L.E. šerutno delegacijako EU ande Srbija Sem Fabrici, L.E. ambasadoro Njamcickako Tomas Šib, šerutno Asocijacijatar rromane koordinatorengo Dragan Gračanin thaj but aver manuša.

RNS

See author's posts