BIČHALDE MANUŠA ANDAR NACIONALNO KONSILO PO MALADIPE E ANGLUNE MANUŠESA FOROSTAR LESKOVAC

BIČHALDE MANUŠA ANDAR NACIONALNO KONSILO PO MALADIPE E ANGLUNE MANUŠESA FOROSTAR LESKOVAC

Angluno manuš e forostar Leskovac dr Goran Cvetanović pire kobućarnenca, ćerda maladipe pale delegacija Nacionalne konsilestar ande savi sas o prezidento Konsilestar Dalibor Nakić, dikhljardi ando Parlamento AP Vojvodinako Jelena Jovanović, prezidento Gatisarimašće odborestar Aleksandar Radulović, generalno sekretari Bajram Morina, membrurja Konsilestar andar foro Leskovac Miroslav Alilović thaj Božidar Jakupović, thaj dikhljardo ando Parlamento forosko Leskovac Januš Alilović.
Po maladipe sas sikadine butimašće bućarimata save o Foro Leskovac nakhavel ando kamipe te majbuhljarelpes than rromane amalimasko ando kava foro, sar ando kotor infrastrukturako thaj majbuhljaripe čhinavimatengo, gajda vi ande kotora palo therdipe bućarimasko, kulturako thaj socijalne politikako.
Prezidento Nacionalne konsilestar naisarda e rezultaturja save o Foro leskovac therda ando proceso integracijako e Rromengo, thaj akharda vi aver lokaloske korkorroortuimata ande Srbija te dićhen pe lenđi bući.
“Rezultato udžilimaske socijalne politikatar savo inćarel o Foro Leskovac thaj e raštra ciknjarel averčhandimata maškar e Rroma thaj butimašći populacija. Udžilipe jekh thagarimastar dićhelpes ando lengo nakhavipe pale majdarade kategorije populacijatar, a o Foro Leskovac si sikadipe lačhe praksako sar trubul te gatisarenpe thaj agorisarenpe pharimata pahangle pale Rroma”, inkalda o Dalibor Nakić.
Pokrajinaći dikhljardi thaj membro Konsilestar Jelena Jovanović, savi majanglal maladipe sas ande vizita kulturaće maškarešće, sar vi e bućarimata palo vazdipe khanđirako, naisarda zor anglune forošće manušestar thaj lešće kobućarnendar ande sa kotora kana das svato palo rromano amalipe, a uladimasa po zuralipe thaj fundosaripe lačhe čhinadimatengo thaj šajimatengo pale averčhande paćivalimašće konfesije thaj arakhadipe kulturako.

Author: RNS

Leave a Reply

Your email address will not be published. Required fields are marked *