BUĆARIMASKO MALADIPE BEŠIMASKO MAŠKAR REF THAJ NACIONALNO KONSILO
Ande thana katar Rromano sikavimasko fondo (REF) ando Beogrado inćardape maladipe maškar Fondo thaj Nacinalno konisilo rromane nacionalne minoritetonendar. Ando alav Nacionalne konsilestar po maladipe sas o prezidento Dalibor Nakić thaj prezidento Gatisarimašće odborestar Pava Čabrilovski
Ando alav REF-osko, e ćherutnimatarja sas o Adi Sinani thaj Zorica Tomić.
O maladipe inćardapes ando kotor lundžarimasko katar aresimasko lungovršesko khetanimasko bućaripe, sar vi planiripe avutnimaske khetanimaske pasurjengo save trubun te anen majlačho sikavimasko than thaj perspektiva rromane sikamnengo.
Dijapes svato vi palo Konkurso palo dinipe stipendijengo sikamnenđe maškarutne sikavne thanendar ande Republika Srbija pala sikavimasko 2021/2022. brš, savo nakhavel o Ministerijumo sikavimasko, gođaverimasko thaj tehnologikane buhljarimasko ando khetanisaripe e Nacionalne konsilesa, sar vi palo programo palo mentorako zurjavimasko savo nakhavel e Fondacija pala sikavipe e Rromengo.
Romski Jezik 
Српски језик