Bućarimasko maladimasko bešipe e šerutnesa katar
REF ando bešimasko than Nacionalne konsilestar

Prezidento Nacionalne konsilestar rromane nacionalne minoritetostar, Dalibor Nakić, inćarda o bućarimaso maldimasko bešipe e šerutneja katar REF Rromano Sikavimasko Fondo e rajeja Čupijeja thaj leske kobućarnenca.

O bućarimasko maladimasko bešipe palo kamipe inćarda mištardipe planurjengo thaj programonengo maškar duje institujendar andar kotor sikavimasko, sar vi mištardimata sar te ando avutnimaski vrjama majlačharenpes e čhinadimata palo sićope e Rromengo.

O šerutno Nakić bahtarda o bućaripe thaj aktiviteturja savo REF nakhavel andar kotor bućarimasko thaj naisarda e šerutneske Redžepalijoske Čupijeske thaj leske timoske palo baro bućaripe thaj zor.

Ando alav REF, pašo šerutno Čupi, po bućarimasko maldimasko bešipe sas vi lesšće maj pašune kobućarne, Adi Sinani, Nataša Fener thaj Anđelka Popadić.

Anglal Nacionalno konsilo, pašo prezidento Nakić, po bešipe sas vi e šerutni po Gatisarimasko odbori Pava Čabrilovski thaj generalno sekretari Dejan Vlajković.

RNS

See author's posts