BUĆARIMASKO MALADIPE E DŽIPAŠERUTNEJA PREZIDENTOSTAR PARLAMENTOSTAR FOROSTAR BEOGRADOSTAR

Prezidento Nacionalne konsilestar rromane nacionalne minoritetorestar, Dalibor Nakić, khetane e prezidentova Gatisarimaske odborestar, Pava Čabrilovski thaj generalne sekretareja, Dejanova Vlajković, inćarda trito bešimasko maladipe e džipašerutneja prezidentostar Parlamentostar forostar Beogradostar, Igoreja Jovanović.

Ando kotor nakhadimasko Lokaloske akcione planostar pale inkluzija e Rromenđi, savo si andino thaj čačardo katar Parlamento forosko, po bućarimasko maladipe inćardape svato pale khetanimaske bućarimata save trubulpe te nakhavenpes, sar ando pherdo kapaciteto godova dokumento inćarela baro semnipe pala rromane forutne ando foro Beogrado.

Pašo mištardipe pale khetanimaske aktiviteturja ando nakhadipe LAP-osko, dijape svato vi pale varurja pe save o Foro Beogrado šaj te ažutisarel integracijaće thaj čačaripe orturjengo rromane populacijako ando Beogrado, uladimasa andar kotor save učharen kulturako korkorrutnipe – lesamalipe kulturaće ačhadimasko, liparimasko bar pale “Tetkica Bibija”, liparimasko bar pale kola save sas mudarde ande Balkanoske mudarimata thaj Angluno themesko maripe, thaj aver, pala Rroma, semne pučhimata.

RNS

See author's posts