BUĆARIMASKO MALADIPE ANDE AMBASADA KATAR REPUBLIKA BUGARSKA ANDE SRBIJA
Prezidento nacionalno konsilestar rromane nacionalne minoritetonendar, Dalibor Nakić, inćarda bućarimasko maladipe e L.E. Radko Vlajkovim, ambasaroreja republikatar Bugarskatar ande Srbija thaj L.E. Georgi Hristov, e konzuleja Republikatar Bugarskatar ande Srbija.
Ando ođarimasko thaj amalimasko svato, averčhandine e džanglimata thaj gîndimata pe tema phangli pale inkluzija e Rromenđi.
O prezidento Nakić naisarda L.E. palo akharipe thaj inklada kaj sa trubulipe si lačheareslimašći katar sikavimatarja raštratar savi si ando proceso andralunimasko ande EU agorisarda butimašće pharimata savenca maladinepes e Rroma ande Bugarska.
Informišisaarda e ambasadores Vlajkov thaj konzulo Hristov palo than e Rromengo ande Srbija, sar vi pale bućarimata save o Nacionalno konsilo e Rromengo nakhavel pala godova pučhipe.
Pharimata e Rromendar si sar vi ande aver raštre ando regiono, a averčhandipe džanglimatengo thaj sikavipe lačhe praksako šaj te anel majlačhi thaj saučharimašći inkluzija e Rromenđi ando regiono, inkladino si ando svato.
Rečeno si kaj e afirmativne mere dine dićhimašće thaj konkretne rezultaturja andar kotor sikavimasko thaj kaj akana trubulipe si te bućarelpes palo therdipe bućarimasko e ternengo save therdine maškarutno thaj vučo sikavipe.
Mištardo si te ande avutnimaski vrjama fundosarelpes khetanimasko bućaripe maškar ambasada thaj Konsilo ando kamipe te averčhandenpes džanglimata thaj nakhavipe khetanimaske bućarimatengo ando kotor inkluzijako e Rromengo ande Srbija, inkaldino si po agor.
Romski Jezik 
Српски језик