BUĆARIMASKO BEŠIPE ANDO MINISTERIJUMO KULTURAKO THAJ INFORMIŠIMASKO
Ando Ministerijumo kulturako thaj informišimasko inćardo si bućarimasko bešipe ando kabineto raštraće sekretaresko Aleksandaro Gajović.
Vo ando amalipe pire kobućarnengo Snežana Pačenić – šerutno Sektorako palo informišipe thaj medije thaj Ivana Đurić – korkorrutno konsilarno ande Kupa pala normativne bućarimata, dija svato e manušenca Nacionalne konsilestar rromane nacionalne minoritetostar.
O Konsilo sikadine o prezidento Dalibor Nakić, memro Gatisarimaske odboresko Živana Živanović thaj membro konsilesko Dragan Đorđević. Po bešipe dijape svato pala majbaro vaćardipe rromane čhibjako ande medije, detot po ažutisaripe ando bućaripe Kulturaće maškarengo e Rromendar ande forurja Niš thaj Pančevo.
Prezidento Nakić naisarda raštraće sekretaroske palo maladipe thaj sikada paćape kaj kasave maladimata avela butimašće sar o Konsilo dela pherdo kotor ando buhljaripe thaj arakhadipe rromane dumutnimasko, tradicijako thaj kulturako maškar averčhande raštraće inćarimata thaj programurja save nakhavel Ministerijumo kulturako thaj informišimasko.
Po agor, mištardo si kaj o Konsilo inćarel majbaro bućaripe udžilimasko ando proceso čhinadimasko palo nakhadipe inkaldimasko projektonengo save inćaren palo kamipe e promocija thaj arakhadipe rromane kulturako ando sastipe.
Romski Jezik 
Српски језик