Ađes ando foro Zaječar sas inćardo bućarimasko bešimasko maladipe savo ćerda Nacionalno konsilo rromane nacionalne minoritetonendar. Ando alav Konsilesko, o maladipe šerutnisarda generalno sekretari Dejan Vlajković. Rromani populacija andar Zaječar vaćarda o koordinatoro thaj membro Konsilesko Miljan Rašić, ando alav e Rromengo andar Bor sas o koordinatori Emil Demiri, sar vi koordinatori andar Boljevac, Rade Ilić. Po maladipe sas vi e sastarimašće medijatoraja andar Zaječar Merdžić Aleksandra, pedagoško asistento Irena Rašić thaj David Gergijev sar sikavimatari ternengo.
Dijam svato palo sa jekh than e Rromengo ando Borsko thaj Zajčarsko ortuimasko trujalipe, sar vi palo nakhadipe afirmativne merengo andar kotor sikavimasko, sastarimasko lesamalipe rromane populacijako, infrastruktura rromane thanendar, avutnimasko ramosaripe populacijako, than e ternengo, sar vi pale relacije Lokaloske korkorrorotuimatendar pale inkluzija e Rromenđi.
E manuša andar Nacionalno konsilo rromane nacionalne minoritetonendar inćaren kamipe te džiko dujto opašin 2019. brš džan ande vizite ande sa trujalimata ande Srbija thaj te pindžarenpes e čače piltava thaj thanesa rromane populacijatar.
Romski Jezik 
Српски језик