REAKCIJA PALA SVATO RUCIMASKO THAJ ČINGARIPE RROMENGO

Nacionalno konsilo rromane nacionalne minoritetonengo krisisarel rasistikane mothodimata thaj svato rucimako savo sikavelpes ando video dićhipe katar „Pokret ujedinjenih fantoma“ thaj akharel sa udžilimašće organurja te ćeren piri bući thaj te mothon liparde kupašće te khosel o video sikavipe katar You Tube platforma.

Ando teksto dićhelpes čingaripe rromane populacijako thaj sa godola pala cikne politikane poenurja thaj inćaripe phandadimasko plo ćindipe krrlengo katar politikane partije.

Naj kava angluno drom te e „jekhetane fantomurja“ vazden čingara opral Rroma, no angluno drom si te godova ćerelpes duj đesa katar godova kaj jekh „rromano fantomo“ andar dijaspora haćarda trubulipe te vazdel čingarimasko lil opral varesave politikane partije palo ćinipe rromane krlla thaj te po kasavo varo aven džike majlačhe losarimaske rezultaturja.

Kale dromeja bičhalas mothodipe vi kole save si ćidine vi korkorrutne „fantomenđe“ kaj o rromani populacija naj po bićinipe thaj kaj ande majpalune nekozom brša e Rroma inćaren baro đindo losarde thaj čhutine anglunimatarja ande dino mothodimasko thaj gatisarimasko thagaripe te sa nivelurja, teljarimasa katar lokalošće kancelarije džiko Thagaripe Srbijako thaj Parlamento, a sa talo naisaripe šerutnimasko raštrakosko Srbijako po kasko čikat si o prezidento Aleksandar Vučić.

RNS

See author's posts