Šerutnipe Nacionalne konsilestar po lošanimasko bešipe ko prezidento Republikako Srbijako Aleksandar Vučić

Šerutnipe Nacionalne konsilestar po lošanimasko bešipe ko prezidento Republikako Srbijako Aleksandar Vučić

Prezidento Republilkako Srbijako Aleksandar Vučić maladapes ađes e manušenca andar nacionalno Konsilo rromane nacionalne minoritetostar thaj naisarimasa bahtarda Maškarthemutno đes e Rromengo thaj pandžvardešto brš katar Angluno Maškarthemesko kongreso e Rromengo.

E Delegacija Nacionalne konsilestar pindžarda e prezidentos Vučić e bućarimatenca save kava Konsilo nakhavel khetnimaske bućarimasa e Thagarimasa Republikatar Srbijatar thaj Autonomne pokrajinatar Vojvodinatar, sar vi e lokalošće korkoortuimatenca ando buhljaripe Srbijako.

Ando maladipe, o prezidento Vučić sikada po semnipe arakhadimasko rromane čhibjako thaj kulturako, sar vi linipe kotoresko bibućarne rromengo ande programurja pale prekvalifikacija. Phanglo pale godova, prezidento sikada semnipe palo kvalitetno sikavipe thaj sićope ternengo, detot ando kotor programosko katar duvardo jal dualno sikavipe.

Prezidento Vučić sikada kaj e Konsilešće dela pherdo zurjavipe ande realizacija palo ramosaripe forutnengo sar sa majbaro đindo membrurjengo rromane nacionalne minoritetostar akharelaspe talo ramosaripe.

Ando alav sa e membrurjengo Nacionalne konsilestar, ando piro thaj thaj ando alav rromane forutnendar o šerutno, Dalibor Nakić, naisarda šerutneske Aleksandroske Vučić pe bahtardimata palo lošanipe katar Maškarthemutno đes e Rromengo, sar vi pala saučharimako birodimasko zurjavipe savo del Nacionalne konsilešće thaj rromane forutnenđe ando proceso integracijako e Rromengo thaj dija lešće e plaketa palo butimasko andipe aresimasko thaj buhljarimasko thenengo e Rromengo ande Republika Srbija.

Pašo prezidento Republikako Srbijako, Aleksandar Vučić, e delegacija Nacionalne konsilestar maladine vi e ministro pale manušikane thaj minoritane orturja thaj amalimasko dijalogo Gordana Čomić thaj generalno sekretari prezidijumosko Suzana Paunović.

Ando alav katar Nacionalno konsilo, pašo prezidento Dalibor Nakić, ande delagacija sas o džipašerutno prezidentosko Aleksandar Balinović, šerutni po gatisarimasko odbori Pava Čabrilovski thaj generalno sekretaro Dejan Vlajković.

Author: RNS

Leave a Reply

Your email address will not be published. Required fields are marked *