Šerutnipe Nacionalne konsilesko rromane nacionalne minoritetonendar sas ande vizita e Rromenđe ando foro Leskovac

Ađes o šerutnipe Nacionalne konsilestar rromane nacionalne minoritetonengo ćerda nekozom semne maladimata ando foro Leskovac. Ande delegacija Konsilestar sas: Prezidento Konsilesko Dalibor Nakić, džipašerutno Konsilesko udžilo palo jugo Srbijako Zvezdan Ramić thaj generalno sekretari, Dejan Vlajković.

 
Po maladipe ando forosko ortuipe e delegacijava katar šerutnipe forosko, ande savi sas: Jasmina Ranđelović – džipašerutno forosko, Saša Mladenović – šerutno kotoresko pale amalimaske bućarimata thaj Vladimir Branković – forosko membro konsilestar thaj džipašerutno Konsilesko palo arakhadipe. Šerutnipe Konsilesko dija svato palo fundosaripe Kancelarijako pale inkluzija e Rromenđi, avutnimasko khetanimasko bućaripe maškar foro Leskovac thaj Nacionalno konsilo e Rromengo, a majbut pala arakhadimaski situacija tale bibahtale incidenturja ando nakhlo kurko. 
Talo maladipe e šerutnenenca e forostar, šerutnipe Konsilesko sas ande vizita ando rromano than „Podvorce“ ando savo trajin paša trin milja forutne rromane nacionostar. E vizita teljarda ando Ćher kulturako e Rromengo, kaj inćardapes maladipe e direktoreja Srećkova Živković, manušenca ando parlamento forosko Igor Jakupović thaj Januš Alilović, sekretareja po Ćher Kulturako Srba Bakterović sar vi e butimašće forutnenca kale thanestar. 
Musaj te inkalelpes kaj rromano amalipe ando Leskovac inćarel baro zurjavipe e forošće šerutnestar Goranostar Cvetanović thaj saste šerutnimatarnendar e forostar Leskovac 
Bibahtale ćerdimata save ćerdinepe ando nakhlo kurko si korkorrutne incidenturja save si čhindipe po teljaripe. Arakhadimašći situacija si akana stabilno thaj si po vučo nivelo. 
Nacionalno konsilo e Rromengo zurjavela bućaripe Ćheresko kulturako, sar vi inicijative thaj projekturja save avena phangle palo majbuhljaripe thanengo e Rromengo ando Leskovac.

Author: RNS

Leave a Reply

Your email address will not be published. Required fields are marked *