Šerutnipe Nacionalne konsilesko rromane nacionalne minoritetonengo ande vizita rromane thanenđe ande Severno-banatsko ortuimasko trujalipe

Ande nakhle trin đesa o šerutnipe Konsilesko thaj membrurja Konsilestar andar Severno.banatsko ortuimasko kotor, sas ande vizite rromane familijenđe thaj dine svato pale sa trajimašće pharimata andar sajekhđesutno trajo.

Sas ande rromane thana ande guverne Nova Crnja (Radojevo), Novi Kneževac, Senta, Kanjiža (horgoš), Ada (Mol), Čoka thaj Kikinda (Bašaid, Mokrin).

Ando svato e forutnenca inkaldino si kaj e Lokalne korkorroortuimata udžilimasa nakhavenpes kana si ando pučhipe inkluzija e Rromenđi, a ando svato e šerutnenca KLK kaj si gatisarde pala khetanimasko bućaripe e rromane amalimasa thaj Nacionalne konsilesa e Rromendar.

Trubulipe si te liparelpes kaj si ćerdinoo presedano kana si fundosardo o Nacionalno konsilo e Rromengo, thaj kaj nisar dži akana o šerutnipe či sas ande vizite rromane thanenđe thaj po čučo than dikhla thaj čačarda sar e manuša trajisaren thaj save si lenđe trubulimata.

Musaj te inkalas kaj dži akana samas ande baro đindo guvernengo thaj forurjengo pala šov čhona katar fundosaripe: Niš, Kruševac, Zaječar, Leskovac, Vranjska Banja, Trstenik, Novi Bečej, Kostolac, Požarevac. Ando plano si te džiko agor bršesko džas ande sa ortuimaske kotora thaj te o Konsilo pašunisarelpes sa e forutnenđe rromane nacionoske ando buhljarpe Srbijako.

RNS

See author's posts