BUĆARIMASKO MALADIPE MINISTARESTAR RUŽIĆ THAJ MANUŠENDAR ANDAR NACIONALNE KONSILURJA

BUĆARIMASKO MALADIPE MINISTARESTAR RUŽIĆ THAJ MANUŠENDAR ANDAR NACIONALNE KONSILURJA

Ministro palo sićope Branko Ružić ađes ćerda svato e prezidentonenca thaj manušenca andar nacionalne konsilurja nacionalne minoriteturjendar pale rezultaturja ando kotor sikavimasko. Po bućarimasko maladipe ando Thagaripe Srbijako, po savo sas vi e manuša andar Ministerijumo pale manušikane thaj minoritane orturja, o ministro inkalda kaj si majbarjardo učharipe sikamnengo save theren sićope po čhibja nacionalne minoritetorendar.
Ministro Ružić liparda kaj bizurjavimasko nacionalne konsilurjengo po tereno, lengo aktivno linipe kotoresko ando informišipe bijandimatarnengo palo semnipe sikavimasko pe dejaći čhib, zurjavipe sikamne thanengo pala fundosaripe klasurjengo, sar vi ando ćerdipe lilengo, rezultaturja ande kava kotor avenas but cikne
Sar mothoda o ministro, Ministerijumo zurjavel sa e inicijative nacionalne konsilurjengo save anen majbuhljaripe kvalitetosko thaj aresimasko sikavimasko thaj vazdimasko pe čhibja nacionalne minoritetonendar.
Raštrako sekretari ando Ministerijumo pale manušikane thaj minoritane orturja, Rejhan Kurtović, liparda kaj o Thagaripe Republikako Srbijako sikavel gatisaripe te intersektorski agorisarel sa e akhardimata savenca malavenpes nacionalne konsilurja nacionalne minoriteturjendar. Vo liparda kaj o sikavipe si jekh katar fundošće minoritane orturja thaj Srbija nakhavimasa godole ortava, šaj te avel ašardi.
Ministerijumo pale manušikane thaj minoritane orturja thaj amalimasko dijalogo khetane thaj sinhronizuime e Ministerijumosa palo sikaviep thaj aver ministerijumonenca sar vi nacionalne konsilurjenca nacionalne minoriteturjendar dela sa trubulimašće kapaciteturja te e minoritane orturja ande Republika Srbija aven po maj baro šajimasko nivelo”, mothoda o Kurtović.
Ando alav katar Nacionalno konsilo e Rromengo, po maladipe svato dija vi o Dalibor Nakić savo naisarda khetanimasko bućaripe savo o Konsilo inćarel e Ministerijumosa palo sikavipe, thaj sikada po semnipe afirmativne merengo palo ramosaripe rromane sikamnengo ande manškarutne sikavne thana thaj vuče sikavne thana, sar vi inkalda trubulipe thaj semnipe barjavimasko votengo palo ramosaripe studentonengo pe fakulteturja. Majdur, inkalda vi semnipe palo buhljaripe kujbengo pedagogikane asistenturjengo, lačharipe palo lengo bućarimasko ortuimasko thann thaj status, sar vi šajipe neve kadrurjengo pale sikavne šehostar rromani čhib e elementonenca nacionalne kulturatar.

Author: RNS

Leave a Reply

Your email address will not be published. Required fields are marked *