DINIPE GOĐAKO PE RROMA MUDARDE ANDO DUJTO THEMESKO MARIPE

DINIPE GOĐAKO PE RROMA MUDARDE ANDO DUJTO THEMESKO MARIPE

Po Liparimasko-komplesko „Stratište“ ando than Jabuka, pašo Pančevo, kaj ando Dujto themesko maripe sas mudarde paša 2.200 Rroma, Dasa thaj Jevreja, ađes si čhutine e kujburja luluđendar thaj dino si paćivalipe mudardenđe.

E kujburja luluđendar paša sa raštraće paćivalimata thaj intoniripe dasikane thaj rromane himnako čhutine butimašće raštraće thaj avrjalune manuša ašunimastar, sar vi šerutnipe e forostar Pančevo thaj Nacionalne konsilestar rromane nacionalne minoritetonendar.

E delegacija Nacionalne konsilestar e rromendar inđarda o prezidento Dalibor Nakić, a ćerdine la o džipašerutno prezidentostar Aleksandar Balinović, prezidento p Gatisarimasko odbori Pava Čabrilovski thaj sirektori Kulturaće maškaresko e Rromendar ando Pančevo Stevan Jovanović.

Po ađesutno đes ande 1942. brš o komandanto katanijako, Hajnrih Himler, dija mothodimasko alav pala sistematsko bičhladipe e Rromengo nade koncentracione logorja. Godova đes majpalal si alavardo pala Maškarthemutno đes dinimaske gođako pe Rroma mudarde ando Dujto themesko maripe.

Ando piro mothodipe, o prezidento Nakič inkalda e informacije pala viktimurja thaj bičhalda zuralo mothodipe pala sa kola save avena

Than pe savo akana ačhas si o than bare dukhalimasko no vi vazdimasko vojatar, trubulimatar thaj kamimatar te savorra, khetanimašće zuralimasa, marasmen pala avutnipe ando savo e rromane čhavorra phirena vazdine šoreja ašarimasa pire rromane bučumostar thaj ašarimasa pe viktimurja save e lenđe purane inćardine thaj dine ando Dujto themesko maripe.
E Rroma si tradiconalne thaj maj but putarde ilesa e Dasikane amala thaj Srbijatar šelbršutnimatenca majpalal. Ando dumutnipe uladam vi lačhipe vi bilačhipe.
E Srbija sar raštra po naisaripe akanutne šerutnimatenđe si po lačho drom thaj paćav kaj aven majlačhe đesa pala sa forutne Srbijaće thaj gajda vi pala forutne rromane populacijatar. Ando alav Nacionalne konsilestar rromane nacionalne minoritetonendar, naisarav sa tumenđe kaj ađes aviline thaj sikadine paćivalipe pala bidošale rromane viktimurja ando Dujto themesko maripe.“

Author: RNS

Leave a Reply

Your email address will not be published. Required fields are marked *