SIKAVIMASKE ŠEJA PALA SIKAMNE RROMANE NACIONOSTAR ANDO FORO TRSTENIK
Prezidento Nacionalne konsilesko rromane nacionalne minoritetostar, Dalibor Nakić, thaj generalno sekretari Dejan Vlajković, sas ande vizita ande guverna Trstenik thaj khetane e prezidenova katar Ćidipe „Kham“ andar foro Trstenik, Dejan Savić, inćardine bešimasko bućarimasko maladipe e šerutnjava guvernatar Milena Turk thaj laće kobućarne.
O svato sas phanglo pale integracija e Rromenđi ando foro Trstenik, kaj katar šerutni guvernatar therda semne informacije palo nakhadipe averčhande programonengo save inćaren palo kamipe sa jekh integracija rromane amalimasko
. Detot pala sa jekh naisaripe si o fakto kaj e guverna aktivno bućarel palo majlačharipe trajosko e Rromengo, a trubulipe si te inkalelpes kaj e guverna ande nakhli vrjama andar piro budžeto ćinda e tablet aparaturja pale sikamne rromane nacionostar thaj barimasa majloćarda lengo sikavipe ćherestar, sar vi godova kaj nekozom rromane familije therdine gavešće ćherutnimata ande faza palo miškosaripe andar neformalno than „Kožara“ ando foro Trstenik.
Talo inćardo maladipe ande guverna, e delgacije katar Nacionalno konsilo thaj guverna sas po uladipe sikavimaske šejengo čhavorrenđe rromane nacionostar thaj uladipe loptengo pala fizikano sikavipe ando fundosko sikavno than „Miodrag Čajetinac Čajka.“ Andio piro mothodipe thaj inkalipe pale medije, o prezidento Nakić, naisarda bućaripe thaj aresipe inkluzijako e Rromengo katar šerutnipe guvernako thaj sikada o fakto kaj kasave sikadimatenca sar kaj si e guverna Trstenik, trubun te nakhavenpes vi aver kotora katar Lokalosko korkorroortuipe.
Majbut
Romski Jezik 
Српски језик