E bućarne katar Rromano sikavimasko fondo ande vizita Nacionalne konsilešće
Nacionalno konsilo rromane nacionalne minoritetnendar sas ćherutno pale bućarne andar Rromano sikavimasko fondo ande pire thana ando foro beogrado sar kotor khetanaimaske bućarimasko duje institucijengo savi fundosarelpes po zurjavipe terne Rromenđe thaj Rromnjenđe ando sikavimasko proceso thaj ando proceso palo majlačho thaj majaresimasko therdipe bućarimasko.
Ande delegacija Nacionalne konsilestar sas o prezidento, Dalibor Nakić, prezidento Gatisarimaske odborestar, Pava Čabrilovski thaj generalno sekretari, Dejan Vlajković.
O prezidento Nakić bahtarda sa e manušen save aviline thaj šerutne programostar REF palo program “Majlačharipe therdimasko bućarimasko terne Rromengo thaj rromnjengo”, Adi Sinani, thaj naisarda direktorešće REF-ošće, Ređepoše Čupi, po but aresimasko khetanimasko bućaripe save inćaren ande palune nekozom brša o Nacionalno konislo thaj REF.
Bućarnenđe e sikadimava si sikado bućaripe Nacionalne konsilešće, bućaripe po tereno thaj butimašće maladimata e ćherutnimašće thaj maškarthemutnimašće institucijenđe, sar vi udžilimata save o Nacionalno konsilo inćarel sar ando kotor Dine mothodimasko pale Nacionalne konsilurja nacionalne minoritetonendar.
Tale butimašće pučhimata save e terne bućarne inćardine palo šerutnipe Nacionalne konsilestar thaj interaktivna diskusija, šaj te inkalelpes kaj e terne bućarne therdine but baro džanglipe kana si ando pučhipe o alav palo pindžaripe katar administrativno – normativno bućaripe, saar vi pindžaripe trubulimatengo ando kotor pire sikavimasko nivelosko.
Kova so sas ando intereso but terne bućarnengo si kte ašunen katar pire kolege bućarne, Miloš Jovanović thaj Nikola Brkić, save si lenđe haćarimata thaj save džanglimata therdine kana bućaradine ando Nacionalno konsilo.
Ande pire mothodimata, Miloš thaj Nikola naisaardine REF-ošće thaj Nacionalne konsilešće kaj therdine šajipe te bućaren thaj inkaldine kaj therdine but džanglimata andar kotor inkluz9ijako e Rromengo, sar vi andar uladimašće kotora ando kotor bućarimasko Nacionalne konsilestar. Inkaldine kaj, ando bućaripe but sićiline katar šerutnipe konsilesko sar gatisarenpes e bešimata katar parlamento thaj bešimata katar GO, sar gatisarelpes thaj šerutnisarelpes maladipe, bešipe, avipe thaj komunikacija e forutnenca, bućarimašći korespondencija thaj bućaripe katar administrativne bućarimata, sar vi godova sar vazdelpes khetanimaski ođi thaj sar ćerelpes pozitivna atmosfera ando bućarimasko kolektivo.
Romski Jezik 
Српски језик