E stipendije forostar Niš pala sikamne thaj studenturja rromane nacionostar
47 sikamne save džan ande maškarutne sikavne thana thaj 4 studenturja rromane nacionostar andar foro Niš, therdine e kontrakturja pale stipendije e forostar.
E kontrakturja ramosarda thaj lošanimasa dija e forošći angluni, Dragana Sotirovski, khetane e membrurjenca Nacionalne konsilestar andar Niš, Svetislav Jovanović (direktori KM e Rromendar ando Niš) thaj Igor Paunović (džipašerutno GO Nacionalne konsilestar).
Naisarimasa e merendar andar Lokalosko akciono plano pale inkluzija e Rromenđi, kasko čačardipe teljardine o Jovanović thaj Paunović, e sikamne thaj studenturja rromane nacionostar theren forošće stipendije katar 2019. brš, so si jekh katar maj lačhe sikadimata lačhe praksako ande Srbija
Nacionalno konsilo rromane nacionalne minoritetonendar thaj Foro Niš, pašo Memorandumo palo khetanimasko bućaripe savesa therdinepe čhinavimata palo fundosaripe katar angluno ćher kulturako e Rromengo ande Srbija, ande 2019. brš, inćaren lačho khetanimasko bućaripe vi ande aver kotora, sar kaj si ande paluni vrjama vi čačardo khetanimaske vizitava rromane thanešće katar prezidento Dalibor Nakić thaj ažutimatari bućarimasko anglune forošće manušnjastar, Dušicastar Davidović.
Romski Jezik 
Српски језик