Lošanimasko dinipe aparaturjengo pala 85 madijatorja ando kotor sastimasko
Ando mištardipe e Strategijava pala socijalna inkluzija e Rromenđi thaj Rromnjenđi ande Republika Srbija pale vrjama katar 2016. džike 2025. brš thaj Akcione planosa Ministerijumostar sastimastar, araćhi ando Klubo dikhljarengo sas ćerdino lošanimasko uladipe lat-topurjengo pala Medijatorja ando sastipe.
Ando alav Nacionalne konsilestar rromane nacionalne minoritetonendar, po lošanipe sas o prezidento Konsilesko Dalibor Nakić, savo medijatorenđe kamla but aresimata ando bućaripe, sar vi godova kaj o Nacionalno konsilo e Rromengo si gatisardo te zurjavel sa jekh inicijativa savi von inkalena ando kamipe te sastarimasko lesamalipe rromane populacijako avel sa majlačho thaj kvalitetno.
Ando alav ministerijumosko sastimasko, e aparaturja uladipe e ažutimatari ministaresko Vesna Knjeginjić thaj lundžebršesko šerutno medijatorenđe thaj membro Nacionalne konsilestar e Rromendar, Dragan Đorđević.
Medijatorja ando sastipe inđaren evidencija palo sastipe forutnengo save trajin ande aformalne thana, bućaren lenca palo vazdipe gođaverimasko palo trubulipe vakcinacijako e čhavorrengo, sar vi palo semnipe habenatengo, sikavipe pale higijena, reproduktivno sastipe. Medijatorja ando sastipe trubun te theren majlačho dićhipe sastarimašće ćherengo pale situacija kale thanendar, a te forutnenđe save kote trajin te sikaven sostar si semno te alavarenpe ko sastarno kana trubul.
Ando kamipe te therelpe trubulimaske šeja palo bućaripe, nakhavipe dine bućarimatengo thaj aresipe ažućarde rezultatonengo sastarimašće medijatorengo Minisetrijumostar palo sastipe, ando kotor programosko „Drugi projekat razvoja zdravstva Srbije“ (Dujto projekto palo buhljaripe sastarimasko Srbijako“), talo zurjavipe Themeske bankako uladinepes 85 lap-topurjengo sastarimašće medijatornenđe. Majdur, therdino si vi trubulimasko sikavipe palo hasnaripe softveresko programosko sastarimašće medijatorengo, detot uladi pala nevebućarne medijatorja.
Romski Jezik 
Српски језик