Sar kotor programoasko „Zurjavipe EU pale inkluzija e Rromenđi – Zurjavipe lokalošće amalimatengo pale inkluzija e Rromenđi“ („Podrška EU inkluziji Roma – Osnaživanje lokalnih zajednica za inkluziju Roma“). savo financijenca učharel Evropaći Unija, e ćije katar 30 vordona forurjenđe thaj guvernenđe save inćaren fundosarde mobilne timurja pale inkluzija e Rromenđi dija o ministro pale bući, therdipe bućarimasko, marimašće thaj socijalne pučhimata, Zoran Đorđević.
Srbija si raštra ande savi trajisaren but nacije thaj Thagaripe Srbijako lel sama pale savorra, del lenđe jekutnimašće orturja thaj čhinadimata palo trajo thaj bućaripe. ašarasmen po fakto kaj sikavas čačo sikadipe sar nakhavenpes relacija maškar thema, save šaj te dićhen vi aver raštre. Kamas te e Rroma džanen kaj e raštra ćerel sa te ažutisaren lenđe sar vi von avena ano šajipe, pire angažmanosa thaj vojava te aven kotor srbijako thaj te jekhetane len kotor ando lako buhljaripe“ – mothoda o Đorđević.
Paćiv si manđe kaj ađes khetane Tumenca avav po kava šukar maladipe. Amen dikhas kaj ande nakhle nekozom brša o pučhipe integracijako e Rromengo po vučo nivelo ande raštraći thaj evropaći Agenda. Kava šajimava, bahtarav rromane koordinatorrenđe thaj membrurjenđe mobilne timurjendar andar kala 30 Lokaloske korkorroortuimatendar savenđe akana o bućaripe thaj udžilipe po tereno avena majloćarde, a bahtarav vi e šerutnenđe Lokaloske korkorroortuimatarnenđe thaj naisarav lenđe pe sa so ćeren pale inkluzija e Rromenđi ande lenđe forurja – mothoda o prezidento Nacionalne konsilestar rromane nacionalne minoritetonendar, Dalibor Nakić.
Po lošanimasko uladipe vordonengo sas vi L.E. Sem Fabrici savo inkalda kaj si semnimastar e integracija e Rromenđi ande sa kotora katar amalimasko trajo.
Anglal „Stalna konferencija gradova i opština“ po lošanipe svat odija vi o generalno sekretari, Đorđe Staničić. „Stalna koferencija gradova i opština“ nakhavel o projekto „Zurjavipe EU pale inkluzija e Rromenđi – Zurjavipe lokalošće amalimatengo pala inkluzija e Rromenđi“ („Podrška EU inkluziji Roma – Osnaživanje lokalnih inkluziju Roma“).
Vordona therdine kala lokaloske korkorrorotuimata: Aranđelovac, Bečej, Vršac, Doljevac, Lebane, Loznica, Mladenovac, Pirot, Smederevska Palanka, Surdulica, Čukarica – Beograd, Beočin, Bačka Palanka, Ruma, Pećinci, Kovačica, Stara Pazova, Subotica, Zrenjanin, Paraćin, Požarevac, Aleksinac, Kraljevo, Bor, Zaječar, Šabac, Vladičin Han, Vlasotince, Lajkovac i Niš. Mobilne timurja pale inkluzija e Rromenđi si bućarimašće kotora fundosarde palo zurjavipe khetanimaske bućarimasko maškar lokaloske institucije thaj rromano amalipe. E membrurja katar mobilne timurja ćeren khetanimaske vizite rromane thanenđe thaj den khetanimasko koordinišime zurjavipe thaj ažutisaripe individualenđe thaj familijenđe.