Lošanipe kod prezidento pokrajinaće thagarimasko Igor Mirović

Lošanipe kod prezidento pokrajinaće thagarimasko Igor Mirović

Palo lošanipe 08. aprilosko, Maškarthemutno đes e Rromengo, prezidento Pokrajinaće Thagarimasko, Igor Mirović, ćerda lošanipe pale delegacija katar Nacionalno konsilo rromane nacionalne minoritetostar, savi inćarda e šerutno Dalibor Nakić.

Po lošanipe si inkaldino kaj ande nakhle brša sas ćerdino baro paso kana si das alav pale trajošće čhinadimata ande Vojvodina kana si ando pučhipe e Rroma, no godova si teljaripe procesosko savo si lungo thaj musaj khetane te bućarelpes.

„Pokrajinasko Thagaripe si vortosardi palo nakhavipe programurjengo save anen sa majlačho than rromane nacionalne minoritetosko, sar vi sa aver nacionalne minoritengo save trajin ande Vojvodina“, mothoda o prezidento Mirović.

„Ađes si šajipe te dasmen gođi so ćerdam thaj so trubusaras te ćeras palo majlačharipe thanesko e Rromengo“, inkalda o šerutno o Nacionalno konsilo rromane nacionalne minoritetostar Dalibor Nakić thaj mothoda kaj zurjavipe Pokrajinaće thagarimastar ando godova proceso si but semno.

Po kava maladipe, prezidentoše Mirovićeske, si dini e Plaketa pale aresimata ando proceso integracijako thaj buhljarimasko thanengo e Rromengo ande Vojvodina. E plaketa dija e šerutni pe Kancelarija pale inkluzija e Rromenđi ande AP Vojvodina, e raji Ljiljana Mihajlović.

Po maldipe sas vi o džipašerutno Pokrajinaće thagarimasko thaj pokrajinako sekretari palo sićope, ramosarimata, ortuipe thaj nacionalne minoriteturja – nacionalne amalimata o raj Žolt Sakalaš thaj dikhardi ando Parlamento Vojvodinako Jelena Jovanović.

Author: RNS

Leave a Reply

Your email address will not be published. Required fields are marked *