TEMATSKI DRUŠTVENI DIJALOG „Ekonomsko osnaživanje Roma i ciljevi održivog razvoja u Srbiji“

TEMATSKI DRUŠTVENI DIJALOG
„Ekonomsko osnaživanje Roma i ciljevi održivog razvoja u Srbiji“

Ađes ande Palata Srbija sas inćardo tematsko amalimasko dijalogo „Ekonomikano zurjavipe e Rromengo thaj kamimata inćarimaske buhljarimastar ande Srbija“ savo ćerda Ministerijumo pale manušikane thaj minoritane orturja thaj amalimasko dijalogo.

Ando alav organizatorestar, andraluno alava thaj mothodipe inćarda e raji ministarka Gordana Čomić, sar vi raštrako sekretari ando Ministerijumo pale bući, therdipe bućarimasko, marimašće thaj socijalne pučhimata, Stana Božović. Ando alav Evropaće Konsilestar ande Srbija, po maladipe svato dija vi e džipašerutni Kancelarijatar Nadia Ćuk.

Ando alav katar Nacionlano konsilo, ando andralunimasko kotor svato dija o prezidento Dalibor Nakić, sar vi pokrajinaći dikhljardi thaj membro Nacionalne konsilestar e Jelena Jovanović.

Ando piro mothodipe pale medije, a majpalal vi ande diskusija, o prezidento Nakić inkalda nekozom semne fakturja thaj dićhipe Nacionalne konsilestar – „Ađesutno dijalogo, po savo delape svato palal ekonomikano zurjavipe e Rromengo thaj kamimata inćarimaske buhljarimastar ande Srbija si katar baro semnipe niči pala rromani populacija no vi palo sasto amalipe.

Anglunipe ando proceso inkluzijako e Rromengo ćerel efekto po čačaripe kamimatengo inćarimaske buhljarimastar, dićhimasa pe godova kaj baro đindo e Rromengo trajisarel tele vela čorrîmastar ande talestandardurjenđe thana, lundžipe trajosko si majharno no ke aver populacija, sikavimasko nivelo si inke cikno vi paše godova kaj ando kotor buhljarimasko sikavimastar dićhelpes sa jekh anglunipe, a aver rigatar e Rroma si jekh katar kola kategorije populacijatar opral savi ćerelpes maj bari diskriminacija.

Dićhenpes zuravimata save e raštra del ande maj palune brša te majlačharelpes o than e Rromengo thaj rromano amalipe bare pasurjenca anglunisarel džiko majlačho avutnipe. Pe godova drom si but akardimata anglal mende save paćav, talo zurjavipe amare raštratar thaj avrjalune partnerendar aresasa te nakhavas. Ađes ažućaras jekh but konstruktivno thaj lačhimasa inkljistimašći diksusija sar o teksto udžilimašće nakhavimasko, po savo o Nacionalno konsilo khetane bućarela e ministerijumosa thaj BGĆ, avela sa majkonkretno, čačimasko thaj nakhavimasko.“

Po agor akharda sa semne ćherutne thaj maškarutne faktoraj te len kotor ando agorisaripe pučhimatengo palo therdipe bućarimasko terrnendar thaj sikade Rromendar thaj Rromnjendar ande piro kotor skavimasko, sar vi te čholpes akcento po buhljaripe katar deficitarne bućarimata thaj majpalutno therdipe bućarimasko.

Pokrajinaći dikhljardi thaj membro Nacionalne konsilestar liparda e strateške dokumenturja, khetanimasko bućaripe e Lokalošće korkorroortuimatenca thaj raštraće organonenca – „Simen semne dokumenturja save sikaven o drom palo majlačho trajo e Rromengo. Simen zurjavipe katar anglunime amalimašće kotora, katar lokalosko kotor thagarimasko, prdal pokrajinaći džike nacionalna administracija thaj simen zurali voja te po godova drom vi nakhavas zuralimatar.

Čačarimatarja sem kaj and maj palune nekozom brša rromano pučhipe sikadapes sar pučhipe savorrengo. E projekturjenca maškar save sistemsko thaj seđesutnimasa ćerelpes efekto te e Rroma aven čačardo thaj zurjardo kotor amalimastar ande Srbija, gatisardine but pharimata mungrre forutnendar – katar sastipe, sikavipe, maripe opral diskriminacija, aktivno linipe kotoresko ando amalipe, bešipe thaj therdipe bućarimasko.

Či ni avela kasave rezultaturja te naj zurjavipe institucijendar thaj ćidimatendar save đes-đesesa bućaren palo agorisaripe amare pharimatengo. Uladimasa ođarelma godova kaj ande kava line kotor vi but Rroma, individue thaj ćidimata save majlačhe pindžaren konkretne pharimata thaj bućaren pala lengo gatisaripe. Butimašće si lačhe rezultaturja nakhadine ande Vojvodina talo naisaripe zurjavimasko pokrajinaće Thagarimastar thaj prezidentostar Mirovićestar, savenđe sem vi me čačarimatari ande majpalune brša. Sa jekh đes čačarav vi semne rezultatonenđe save si aresarde po raštrako nivelo po naisaripe udžilimašće politikaće katar Republikano Thagaripe thaj prezidentostar Aleksandrostar Vučićestar“ – inklada e Jelena Jovanović, pokrajinaći dikhljardi thaj membro nacionalne konsilestar e Rromendar savi agorisarda piro mothodipe alavenca: Ćerdipe perspektivako pala avutnipe; čačimašće šajimata ando trajo; agorisaripe čorrîmasko; kotor si vizijako katar inćarimasko amalipe thaj inćarimasko buhljaripe sa jekh individualesko, sar kaj vi mothol e vizija katar Agenda 2030.“