„Tranzicija katar sićope džiko bućaripe“
Ađes ando foro Beogrado sas inćardini konferencija „Tranzicija katar sićope džiko bućaripe“, savi ćerda UNDP Srbija.
Paša butimašće mothodimatarja andar maškarthemutne institucije thaj manuša andar Koordinaciono kotor palo dićhipe Strategijako pale socijaln inkluzija e Rromenđi thaj Rromnjenđi Thagarimastar Srbijatar, kotor line vi o barođindo terne rromane studentonengo.
Ando alav katar Nacionalno konsilo rromane nacionalne minoritetonendar, svato dija o šerutno Dalibor Nakić, jekh katar anglune rromane stipendisturja ande Srbija, savo majpala talo gatisaripe studijengo, angluno bućaripe therda katar lipardo UNDP.
Bahtarda sa kola save aviline thaj zurjarda e studenturja te bućaren palo piro sićope sar tale agorisarde studije sas majdikhavne thaj konkurentne po tržište bućarimasko.
„Kamlipe si manđe kaj ađes inćarav šajpe te naisarav UNDP po sa so ćerda, a dikhas kaj vi ađes bućarel ando kamipe te majlačharelpes o than e Rromengo. Džanglimata save therdem sikvimasa katar treningurjendar katar UNDP – butimasa ažutisaren manđe vi ađes sar prezidentošće Nacionalne konsilestar rromane nacionalne minoritetonendar te bućarav pala sa akharimata savenca maladivav ando bućaripe sa jekh đes.
Trubulipe si te sikavelpes kaj vi maškar Rroma si sastarne, injžinjerurja, ortuimatarja, gođaverimatarja, profesorja thaj aver. Sa jekh terno manuš inćarel šajipe te sikavel so džanel. Orto palo bućaripe si jekh katar fundoske manušikane orturja. Amalipe sastimasa musaj te haćarel kaj inćarel udžilipe te del tumenđe šajpe te godova vi čačaren.“
Na kraju je zaključio:
Po agor mothoda: „Tumen sam avutnipe nići rromane themestar no san jećhe kotoreja vi avutnipe amare šukar raštratar Srbijatar!“
Romski Jezik 
Српски језик