Ando foro Prokuplje džanglimaski debata palo Maškarthemunto đes e Rromengo – “Dekada e Rromenđi”

U PROKUPLJU NAUČNA DEBATA ZA SVETSKI DAN ROMA – „DEKADA ROMA“

Palo lošanipe katar Maškarthemutno đes e Rromengo, ando foro Prokuplje sas inćardini džanglimašći debata talo alav “Dekada e Rromenđi. “ E debata sas ćerdini katar Ćidipe e Rromengo “Carina”, sar vi aver but kulturaće inćarimata.

Po lošanipe savo sas ćerdino pale godova e Rromen sastarda thaj bahtarda lenđe Maškarthemutno đes e Rromengo, forosko angluno, Milan Aranđelović.

Aranđelović ando piro vaćardipe liparda kajpo than Srbijako o foro Prokuplje si čhutino ando maj vučipe pale kova so ćerdape palo majlačharipe čhinadimatengo trajosko thaj bućarimasko rromane populacijako thaj liparda kaj si but ođardo rezultatonenca save aresardinepe kana si ando pučhipe plano sikavimasko rromane nacionostar.

Talo vaćardipe anglune manušestar, e manušenđe save aviline svato dija o džipašerutno Nacionalne konsilestar rromane nacionalne minoritetonendar thaj dikhljardo ando Parlamento forosko Saša Ališanović, savo liparda kaj si e Rroma ande majpalune nekozom brša majbaro anglunipe aresline po prosvetno, sikavimasko plano, a kaj si trubulipe majbut te bućarelpes palo majlačharipe čhinadimatengo trajimasko kale populacijako.

“Po naisaripe katar but lačhimasko khetanimasko bućaripe save simen e manušenca katar Foro Prokuplje majbut ćerdam po sikavimasko plano gajda kaj ađes šaj te mothav kaj sa e rromane čhavorra save trajisaren pe teritorija Forostar Prokuplje, ramosarenpes, a butipe lender vi agorisaren fundošće sikavne thana, so si but semno sar pala lengo majdurano sikavipe gajda vi palo bućaripe, inkalda o Ališanović.

Vo dikhla vi po baro đindo bućarne Rromengo thaj liparda kaj ando than “Carina” naj ni jekh rromani familija ande savi naj bućarno majcîrra jekh membro. Majdur mothoda kaj e Rroma andar Prokuplje po butipe arakhline bući ande njamcickani fabrika “Leoni” sar vii ande private firme “Gama” thaj “Čip”, a kaj but bućaren vi ando Putardo komunalno bućarimasko than “Hameum”, ando sastarimasko ćher thaj špitalo, sar vi ande fundošće thaj maškarutne sikavne thana.”

Pe debata savi sas ćerdini palo lošanipe katar “Đes e Rromengo”, paša manuša andar lokalosko korkorrorortuipe, membro Forošće konsilestar savo si udžilo pala socijalne pučhimata Marko Kostadinović, sas vi e manuša andar Maškar palo socijalno bućaripe, Lolo Trušul prokuplje, sar vi e manuša andar putarde firme thaj aver thana.

Author: RNS

Leave a Reply

Your email address will not be published. Required fields are marked *