ANDO FORO BAČKA PALANKA VI ANDO KAVA BRŠ LUNDŽARELPES AŽUTISARIPE RROMANE SIKAMNENGO THAJ STUDENTONENGO

Ando foro Bаčka Palanka ramosardinepes dešuinja (19) kontrakturja palo ažutisaripe rromane sikavnengo save džan ande maškarutne sikavne thana thaj studenturja. Dinipe kontrakturjengo palo finansijako ažutisaripe pala sikamne rromane nacionostar si but semni mera palo zurjavipe thaj ažutisaripe sikamnenđe thaj lenđe bijandimatarnenđe. Kava si pozitivno sikadipe sar lokaloskо korkorroortuipe trubul thaj šaj te ažutisarel thaj zurjavel sićope sikamnengo thaj studentonengo.
Nacionalno konsilo rromane nacionalne minoritetonengo si partneri Ministerijumošće pale sićope, gođaveripe thaj tehnologikano buhljaripe, del administrativno zurjavipe ando gatisaripe dokumentacijako, thaj inkalel inkaldimašće lila mothodimašće palo membripe rromane amalimašće. Ando kava brš majbut katar 1200 sikamne therdine e stipendija Ministerijumostar palo sikavipe, gođaveripe thaj tehnologikano buhljaripe. Ando foro Bačka Palanka efta sikamne therdine kala stipendije
“Sićope si than savo si ando udžilipe Nacionalne konsilestar rromane nacionalne minoritetorestar ande Republika Srbija, thaj si prioriteto thaj semno si palo amalipe. Maškar kasave mere palo zurjavipe katar lokalosko korkorrortuipe ćerelpes motivacija vi pala majterne generacije. Majdur, but si semno vi bućaripe katar pedagogikane asistenturja save si paša čhavorra katar teljaripe lenđe sikavimasko”, inkalda e Alisa Šajn, arlisarimatari prezidentosko Nacionalne konsilestar rromane nacionalne minoritetostar.
Po maladipe svato dine vi o arlisarimatari prezidentosko guvernako Bačka Palanka, Mita Lačanski, koordinatoro pale rromane pučhimata Dragana Ninković, sar vi dihljardi ando Parlamento AP Vojvodinako thaj membro Nacionalne konsilestar e Rromendar Jelena Jovanović, savi inkalda kaj e guverna Bačka Palanka šaj kale programova butimasa te ašarelpes, a e rromane sikamne thaj studenturja naisardine guvernaće Bačka Palanka thaj Nacionalne konsilešće e Rromendar kaj len sama pala lende thaj lengo sikavipe.

Majbut palo kava maladipe šaj te dićhen po kala linkurja: https://youtu.be/ai-HwnmMGZo
https://youtu.be/ai-HwnmMGZo

RNS

See author's posts