Sar dićhenape potencijallurja thaj šajimata palo khetanimasko bućaripe ando kamipe afirmacijako sikavimasko čhavorrengo thaj terne rromengo thaj Rromnjengo ande guverna Bečej, pe inicijativa katar Humanitarno ćidipe „Đina“, ande tatarđi 17. aprilo inćardo si o maladipe, po savo sas e direktori Kancelarijako pale inkluzija e Rromenđi Miloš Nikolić, e manuša andar Nacionalno konsilo rromane nacionalne minoritengo, parlamento guvernako Bečej, sikavimašće thana, ćidimata katar civilno amalipe thaj mediji.
Angrustijali sinija „Šajimata palo majbuhljaripe thanengo čhavorrengo thaj terne Rromengo ando sistemo sikavimasko“ sas vi šajipe te sikavenpes e rezultaturja katar projekto „Aktivizmom za obrazovanje svih: Koraci ka unapređenju položaja i prava dece i mladih Roma i Romkinja“, savo sar semno aktiviteto inćarda bućarno kotore nakhavimasko gođaverimasko.
Direktori Nikolić ando piro mothodipe vaćarda kaj e Rroma sikaven bihasnardo potencijalo, a adekvatne inkluzijava ando amalipe šaj te den piro kotor ando ekonomikano thaj sa jekh aver buhljaripe Republikako srbijako. Tale Nikolićeske alava, o projekto, kaske rezultaturja si sikadine, sikaven potencijalurja čhavorrendar thaj ternendar thaj ćerel majputardo aresipe rromane amalimašće pale sa lokalošće institucije ande guverna Bečej.
E Kancelarija pala inkluzija e Rromenđi thaj Nacionalno konsilo rromane nacionalne minoritetonendar bućarela pale godova te sa afirmativne mere palo sikavipe ando sastipe nakhavenpes, kaj dži akana dine lačhe rezultaturja, mothoda po agor pire mothodimasko Miloš Nikolić.
Kale angrustijale sinijava thaj sikavimasa katar projektne rezultaturja lošanisardo si vi Maškarthemutno đes e Rromengo savo ando buhljaripe planetako lošanilpes po 08. aprilio.
Romski Jezik 
Српски језик