ANDO FORO KULA LOŠANISARDAPE O MAŠKARTHEMUTNO ĐES E RROMENGO

ANDO FORO KULA LOŠANISARDAPE O MAŠKARTHEMUTNO ĐES E RROMENGO

Ando foro Kula talo maladipe ko prezidento Harnevrjamaće organostar guvernatar Kula, Damnjan Miljanić thaj talo inćaripe Rromane balosatar lošanisardapes o Maškarthemutno đes e Rromengo. Ando alav katar Nacionalno konsilo rromane nacionalne minoritetostar, po lošanipe sas vi o džipašerutno prezidentosko, Aleksandar Balinović, membrurja Mića Roštaš, Klaudija Kurina thaj membro Konsilesko thaj prezidento Kulturaće maškarestar e Rromendar ando foro Pančevo, Stevan Jovanović.

Sar mothoda o koordinatoro pale rromani inkluzija, Ivana Novaković, lošanipe katar Maškarthemutno đes e Rromengo, ažućaren ande lačhi atmosfera thaj tale lačhe rezultaturja ando nakhadipe inkluzijako, kaj ando kava momento si aktuelne duj projekturja kana si ando pučhipe e Rroma.

Angluno si phanglo palo agorisaripe bešimakse pučhimasko e Rromengo, sar vi sa averengo save si talo socijalno trubulipe, sar vi e manušnja save inćaripe zuralimasko bilačhipe.

Aver projekto savo nakhavelpes pe teritorija amare guvernako direktno si phanglo pala Rroma thaj nakhavelpes ando khetanimasko bućaripe e GIZ-osa.

Ando pučhipe si bućaripe e Rromengo maškar subvencije bućarnimatarnenđe, no dino si vi subvencije pale bućarne thana (firme) save gatisarena thaj sikavena e Rromen pala avutnimaske bućarimašće udžilimata.

Bahtaripe katar prezidento Harnevrjamaće organostar guvernatar Kula Damnjan Miljanić, palo lošanipe katar Maškarthemutno đes e Rromengo:

„Sa e manušenđe rormane amalimastar bahtarav Maškarthemutno đes e Rromengo. Kava đes delmen gođi thaj liparel kaj musaj te lundžaras te das majsemne zuralimata te majlačharelpes o than thaj te ćerelpes integracija manušendar rromane nacionalne minoritetonendar ande sa procesurja katar ekonomikanoo, amalimasko, kulturako thaj politikano trajo, thaj te fundosarelpes pherdo jekhetanipe maškar Rroma thaj aver forutne.

E guverna Kula lundžarel te nakhavel averčhande mere pala majbuhljaripe thanengo e Rromengo, arakhadipe thaj majbuhljaripe nacionalno identitetostar, kulturatar, čhibjatar, informišimasko thaj sikavimasko.“

Author: RNS

Leave a Reply

Your email address will not be published. Required fields are marked *