ANDO SKOPLJE INĆARDAPES REGIONALNO SEMINARI „KATAR SIKAVIPE DŽIKO BUĆARIPE“

Talo učharipe katar REF-o (Rromano sikavimasko fondo), ando Skoplje inćardapes regionalno seminari talo alav „katar sikavipe džiko bućaripe“). 
Nacionalno konsilo rromane nacionalne minoritetonendar sikada thaj vaćarda o lesko prezidento, Dalibor Nakić.

Ando panel ope tema „Aresipe palo kvalitetno sikavipe pala rromane čhavorra“ (Pristup kvalitetnom obrazovanju za romsku decu“), prezidento Nakić dija svato palo informišipe čhavorrengo thaj bijandimatarnengo pale šajimata save del sikavipe, nakhadipe Afirmativne merengo andar kotor sikavimasko, sar vi pale mere phangle palo therdipe bućarimasko save aven talo gatisardipe maškarutne thaj vuče sikavne thanengo.

Naisarda raješće Andreješće Mirga, savo si šerutno bordosko direktoresko REF-osko pala saučharimasko zurjavipe rromane čhavorrenđe ando sikavipe, sar ande Srbija, gajda vi ando regiono.

Nacionalno konsilo rromane nacionalne minoritetonendar lundžarela majpašo khetanimasko bućaripe e REf-osa vi ando avutnipe, ande sa kotora save zurjaven e inkluzija e Rromenđi.

RNS

See author's posts