Ande tatrađi 12. juno 2019. brš prezidetno Nacionalne konsilesko rromane nacionalne minoritetosko, raj Dalibor Nakić, sas ande vizita ko F.S. „Vuk Karadžić“ ando Niš. E direktoreja, pedagoško – psihološke bućarne kotoresa thaj pedagoške asistonesa dija svato pala pharimata thaj akhardimata savenca kava sikavno than malavelpes. Ande sikavno than džan 284 sikamne katar save si 97 % Rroma. Dikhlinepes vi e šajimata palo khetanimasko bućaripe ando kamipe te majbuhljarenpes čhinadimata palo bućaripe thaj kvaliteto ando vazdimasko – sikavimasko proceso ando sikavimasko than. E tema palo svato sas vi o šajipe andimasko losarimaske šehosko rromani čhib e elmentonenca nacionalne kulturake ando sikavimasko plano thaj programo pala soste o Nacionalno konsilo rromane nacionalne minoritetonedar vi bućarela. E manuša andar Konsilo džana ande vizitia ande rromane thana ando Niš thaj ando direktno kontakto e bijandimatarnenca rromane sikavnendar sikavena po semnipe sićimasko losarimaske šehosko rromani čhib e elementonenca nacionalne kulturatar ando kamipe te araćhelpes nacionalno thaj kulturako identiteto e Rromengo.
NACIONALNI SAVET ROMSKE NACIONALNE MANJINE