Aresimako khetanimasko bućaripe maškar Guverna Topola thaj Nacionalno konsilo rromane nacionalne minoritetostar

Aresimako khetanimasko bućaripe maškar Guverna Topola thaj Nacionalno konsilo rromane nacionalne minoritetostar

E sikamne katar Guverna Topola katar angluno džiko ohtoto klaso kašće inćarimatarja si ande situacija katar socijalno trubulipe, e sikavimatarja e majbarjarde trubulimatenca thaj rromane čhavorra, therdine ađes e paketurja sikamne šejendar.
Fundurjanca andar budžeto Guvernako therdine si 79 paketurja sikavimašće šejendar. Po maldipe o svato dine o prezidento guvernako Igor Petrović thaj generalno sekretari Nacionalne konsilestar rromane nacionalne minoritetonendar Dejan Vlajković, a sikavimašće peja ulada o Dejan Pantić, membro guvernaće konsilestar pale bućarimata andar kotor socijalne politikako.

Prezidento guvernako Igor Petrović mothoda kaj si kava „but semno paso ando socijalno lesamalipe.“ Sikada o paćape kaj ando khetanimasko bućaripe e Nacionalne konsilestar e Rromendar ande avutnimaski vrjama čačarenape but khetanimašće akcije.

Dejan Vlajković naisarda Guvernaće kaj pindžarda sociološko momento thah simolično uladipe sikavimašće šejengo.

Khetanimasko bućaripe putarel nevo kotor relacijengo maškar e Rroma thaj lokalosko amalipe. Kava đes si semno momento savo del perspektiva pale Rroma ande Topola gîndil Vlajković tlo alavardipe kaj o Nacionalno konsilo e Rromengo thaj e Guverna Topola, udžile ministerijumurja thaj avrjalune donatorja bućarena pe kompletno thaj saučharimašći inkluzija e Rromenđi ande Topola.

„Kova so palo teljaripe te alavaras, godova si kaj ande avutne nekozom đesa ćerasa svaturja e Rromenca thaj aver socijalno dukhade kategorije forutnenđe te dikhas so si kova si trubul lenđe katar personalne dokumenturja, kaj varesostar musaj te teljaras. Te sa jekhk persona čačarela sa kola lačhimata, te čačaren orto palo socijalno lesamalipe, pe čhavrrikano lesamalipe, te ramosaren e čhavorra ande sikavne thana, te ćeren legitimacija, musaj te inćaren personalne dokumenturja“ – mothoda o Dejan Vlajković.

O kamipe si majanglal te džanelpes o đindo, te pindžarenpes e trubulimata, andipe strateške dokumentonengo, fundosaripe katar mobilno timo pala inkluzija e Rromenđi thaj sa kola so anela te o trajo thaj čhinadimata aven mištarde vrjamaće ando savo trajisaras.

Author: RNS

Leave a Reply

Your email address will not be published. Required fields are marked *