SEMNI INFORMACIJA – ODBOR PALO SIĆOPE NACIONALNE KONSILESTAR E RROMENDAR

VAŽNO OBAVEŠTENJE ZA RODITELJE
ODBOR ZA OBRAZOVANJE NACIONALNOG SAVETA ROMA

Po fundo mothodimasko Ministerijumosko pala raštrako ortuipe thaj lokalosko korkorroortuipe, a phanglo si palo inćaripe sa bešimatengo Nacionalne konsilendar nacionalne minoritetonendar, Odbori palo sićope Nacionalne konsilestar e Rromendar inćarda elektronsko beđutni pe savi sas andipe kala inkaldimata thaj mothodimata pala sikamne save aresline palo ramosaripe ando anglalsikavimasko thaj fundosko sikavipe. Elektronske bešimava šerutnisarda e Ljiljana Lekić pe savi sas vi o prezidento Konsilesko, Dalibor Nakić.

Inkaldimata thaj mothodimata:

Dićhimasa pe godova kaj si avrjarîndošći situacija, mere save si pale godova talo zurjavipe, sasto proceso ramosarimasko čhavorrengo ande hurdalina pala 2020/2021. avela nakhadino ELEKTRONSKI, opral portalo e-Uprava.

Bijandimatarenđe kašće čhavorra aresline palo ramosaripe ando angluno klaso fundoske sikavne thanesko 2020/2021. brš, katar 01. aprilo 2020. bršesko dijapes šajipe te elektronske dromesa sikaven intereso palo ramosaripe čhavorrengo ando sikavno than prdal Portalo e-Uprava.
Te o bijandimatari/vaćardimatari dine mothodimastar či sikavel po kava varo intereso, či avela ando pučhipe ramosaripe čhavorrengo ando angluno klaso fundoske sikavne thanesko.

Ande kava kurko Odbor palo sićope ande khetanimasko bućaripe e Lokalošće mehanizmurjenca pale inkluzija e Rromenđi ćidela sa trubulimašće informacije sar teljarela e kampanja kamimata palo informišipe thaj mobilizacija amallimaski palo zurjavipe bijandimatarenđe palo ramosaripe ande Anglalsikavne thana thaj Fundošće sikavne thana.

Odbor palo sićope ande nakhle nekozom kurće roda informacije sar nakhavelpes nakhadipe sikavimasko po duripe ande rromane thana, gajda kaj akharda pedagoške asistenturja andar averčhande forurja/guverne.

Nacionalno konsilo rromane nacionalne minoritetonendar naisarel bućaripe pedagogikane asistenturjengo save aktivno len kotor ando sikavipo po duripe dinimasa zuralimastar e sikamnenđe thaj bijandimatarnenđe sar biačhadimava avenas ando šajipe te sićon kana si e avrjalrîndošći situacija.

Pala sa informacije šaj te čeren konakto prdam e-mailo: odborzaobrazovanje@gmail.com

Author: RNS

Leave a Reply

Your email address will not be published. Required fields are marked *