Semni informacija!

Semni informacija!

Sar te alavarentumen palo konkurso/stipendije pale studenturja

Ministerijumo sikavimasko, džanglimasko thaj tehnologikane buhljarimasko inkaldimasa ramosarda o konkurso palo uladipe stipendijengo. Konkurso si putardo katar 01. džiko 31. oktobro 2022. brš.

Konkurso si putardo katar 01. džiko 31. oktobro 2022. brš.

E studenturja rromane nacionalne minoritetonendar save sićon pe vuče sikavne thana kasko fundosarimatari si e Republika Srbija, inćaren statuso sar rîndosko studento po II,III jal IV brš studijengo, šaj te alavarenpes po konkurso palo therdipe studentoske stipendijengo.

E studenturja save po angluno drom alavarenpes thaj studenturja save či hasnardine stipendije ande 2021/22. akademikano brš, pheren Aplikaciono formulari: patrin 1,2 thaj 5a (5a – kontrakto ande 2 inkalde kotora, UDŽILIMASKO si te ramosarentumen pherde alavesa thaj anavesa, ćirilicava ramosardi) thaj đinadi personalno lil jal kopija liduj rigatar personalne lilestar save či inćaren o čipo. Pherde formularurja thaj dokumenturja e studenturja bičhalen pe:
Nacionalno konsilo rromane nacionalne minoritetonendar, Obilićev venac 2, 11000 Beograd.

SEMNO ALAV: E studenturja save hasnardine e stipendije ande 2021/22. akademikano brš, therena prdal piro Vučo sikavimasko than o formularo, patrin 1a savo arlisarel patrin 1 thaj 2.

Ramosarmasa pherdino dokumento 1a, paša đinadi (personalo lil e čiposa), jal kopirime personalno lil (personalno lil savo či inćarel o čipo – kopija liduj rigatar) bičhalen: Nacionalno konislo rromane nacionalne minoritetonendar, Obilićev venac 2, 11000 Beograd.

E vrjama palo bičhaldipe dokumentacijako si 30. oktobro 2022. bršesko.

VAĆARDIPE: Nacionalno konsilo rromane nacionalne minoritetonendar či inkalela e ramosarde lačhimašće mothodimata palo therdipe stipendijako, no ćerelapes dićhipe aresarde dokumentacijengo thaj dićhipe rromane nacionalne minoritetonendar, a tale godova e sasti dokumentacija bičhalelape ko resorako ministerijumo.

Formularurja pala alavardipe ćinenpes ande studentonenđe bućarimašće kotora vuče sikavne thanengo jal

ando Beogrado: Prosvetni pregled, Dečanska 6, telefono: 0113235378

ando Niš: TP Hijeroglif, Voždova 90, telefono: 018523326

ando Kragujevco: Knjižara Most, Dr Zorana Đinđića 2, telefono: 034305715

Pala sa informacije šaj te akharen Nacionalno konsilo rromane nacionalne minoritetonengo, telefono:

☎️ 0116182566 info@romskinacionalnisavet.org.rs

jal vizitava po linko kastar šaj te lenpes vi trubusarde patrina:
https://studenti.unicreditbank.rs/krediti-i-stipendije/krediti-i-stipendije.30.html

Author: RNS

Leave a Reply

Your email address will not be published. Required fields are marked *